തിരുവനന്തപുരം : ജനറല് ആശുപത്രിക്ക് മുന്നില് കാര് നിയന്ത്രണം വിട്ട് പാഞ്ഞ് കയറി ഗുരുതര പരിക്കേറ്റ് ചികിത്സയിലായിരുന്ന ഓട്ടോ ഡ്രൈവര് മരിച്ചു. കരകുളം സ്വദേശി ഷാഫിയാണ് മരിച്ചത്. നിയന്ത്രണം വിട്ട കാര്, ഓട്ടോ സ്റ്റാന്റിലേക്ക് ഇടിച്ചുകയറുകയായിരുന്നു. മെഡിക്കല് കോളേജ് ആശുപത്രിയില് ചികിത്സയിലിരിക്കെയാണ് മരണം.
കഴിഞ്ഞ ഞായറാഴ്ചയാണ് ജനറല് ആശുപത്രിക്ക് മുന്നില് നിയന്ത്രണം വിട്ട കാര് ഓട്ടോ സ്റ്റാന്ഡിലേക്ക് ഇടിച്ചു കയറിയത്.
വട്ടിയൂര്ക്കാവ് സ്വദേശി വിഷ്ണുനാഥ് ഓടിച്ച കാറാണ് ഓട്ടോ സ്റ്റാന്റിലേക്ക് ഇടിച്ചുകയറിയത്. ബ്രേക്കിന് പകരം ആക്സിലേറ്റര് ചവിട്ടിയതാണ് കാര് ഫുട്പാത്തിലേക്ക് ഇടിച്ചുകയറാന് കാരണം.
അപകടത്തില് അഞ്ച് പേര്ക്കാണ് പരിക്കേറ്റത്.ഇതില് രണ്ടുപേര് ഓട്ടോ ഡ്രൈവര്മാരായിരുന്നു. മറ്റുള്ളവര് വഴിയാത്രക്കാരും. സംഭവത്തില് വിഷ്ണുനാഥിന്റെയും ഇയാള്ക്ക് ഡ്രൈവിംഗ് പരിശീലനം നല്കിയ അമമാവന്റെയും ലൈസന്സ് സസ്പെന്ഡ് ചെയ്തിരുന്നു.
