കൊളംബോ : ഇന്ത്യയെ പരിഹസിച്ച ശ്രീലങ്കൻ യുവ എം പിമാർക്ക് തക്ക മറുപടി നൽകി മുതിർന്ന എംപി ഹർഷ ഡി സിൽവ . ഡൊണാൾഡ് ട്രംപ് ഇന്ത്യയ്‌ക്ക് മേൽ തീരുവ ചുമത്തിയ കാര്യം പാർലമെന്റിൽ പറഞ്ഞ് ഇന്ത്യയെ പരിഹസിച്ച് ചിരിക്കുകയായിരുന്നു യുവ എം പിമാർ . എന്നാൽ ആ സമയത്ത് അവിടെയുണ്ടായിരുന്ന ഹർഷ ഡി സിൽവ ഇന്ത്യ നമ്മുടെ യഥാർത്ഥ സുഹൃത്താണെന്നും, നമ്മുടെ ഏറ്റവും പ്രയാസകരമായ സമയങ്ങളിൽ നമ്മോടൊപ്പം നിന്ന യഥാർത്ഥ സഖ്യകക്ഷിയാണെന്നും സഹപ്രവർത്തകരോട് പറഞ്ഞു.
‘ യുഎസ് താരിഫുകളെക്കുറിച്ച് ഇവിടെ സംസാരിക്കരുത്.ഇവിടെ എല്ലാവരും ചിരിക്കുന്നത് ഞങ്ങൾ കണ്ടു. ചിരിക്കരുത്. യുഎസ് താരിഫ് 15 ശതമാനമായി കുറയ്‌ക്കുമെന്ന് ഇന്ത്യ പ്രതീക്ഷിക്കുന്നു. ഞങ്ങളും അത് തന്നെ പ്രതീക്ഷിക്കുന്നു .
ഇന്ത്യയെ നോക്കി ചിരിക്കരുത്. ഈ ദുഷ്‌കരമായ സമയത്ത് അവരെ കളിയാക്കരുത്, കാരണം നമ്മൾ കുഴപ്പത്തിലായപ്പോൾ, അവർ മാത്രമാണ് നമ്മുടെ കൈ പിടിച്ചുനിന്നത്. ഞാൻ നിങ്ങളോട് ഒരു കാര്യം പറയാൻ ആഗ്രഹിക്കുന്നു . നാം ഇന്ത്യയുടെ പോരാട്ടത്തെ ബഹുമാനിക്കണം, അല്ലാതെ നോക്കി ചിരിക്കരുത്. ഇന്ത്യയുടെ ധൈര്യം മുഴുവൻ ഏഷ്യയ്ക്കും പ്രചോദനമാണ് . അതിനാൽ എല്ലാവരും ഇന്ത്യയ്‌ക്കൊപ്പം നിൽക്കണം. ‘ ഹർഷ ഡി സിൽവ പറഞ്ഞു.
ഹർഷ തന്നെയാണ് തന്റെ പ്രസ്താവനയുടെ വീഡിയോ സോഷ്യൽ മീഡിയയിൽ പങ്കുവെച്ചിരിക്കുന്നത്. ഇന്ത്യയും ശ്രീലങ്കയും തമ്മിലുള്ള സൗഹൃദം പ്രകടിപ്പിക്കാൻ അദ്ദേഹം പതാകയും പ്രദർശിപ്പിച്ചിട്ടുണ്ട്.
