റിക്രൂട്ട്‌മെന്റ് വിജ്ഞാപനം (നോര്‍സെറ്റ്-9)
www.aiimsexams.ac.in ല്‍
ഓഗസ്റ്റ് 11 വൈകിട്ട് 5 മണിവരെ ഓണ്‍ലൈനില്‍ അപേക്ഷിക്കാം
നഴ്‌സിങ് ഒാഫീസര്‍ നിയമനത്തിനായി ‘എയിംസ്’ ന്യൂദല്‍ഹി നടത്തുന്ന 9-ാമത് നഴ്‌സിങ് ഓഫീസര്‍ റിക്രൂട്ട്‌മെന്റ് കോമണ്‍ എലിജിബിലിറ്റി ടെസ്റ്റില്‍ (നോര്‍സെറ്റ്-9) പങ്കെടുക്കുന്നതിന് ഓണ്‍ലൈനില്‍ ഓഗസ്റ്റ് 11 വൈകുന്നേരം 5 മണിവരെ അപേക്ഷിക്കാം.
എയിംസുകള്‍, ജിപ്‌മെര്‍, ഇഎസ്‌ഐസി, ലേഡി ഹാര്‍ഡിംഗ് മെഡിക്കല്‍ കോളേജ് മുതലായ കേന്ദ്രസര്‍ക്കാര്‍ സ്ഥാപനങ്ങളിലായി 3500 ഒഴിവുകളിലേക്കാണ് റിക്രൂട്ട്‌മെന്റ്.
യോഗ്യത: അംഗീകൃത ബിഎസ്‌സി നഴ്‌സിങ് ബിരുദം/തത്തുല്യം; അല്ലെങ്കില്‍ ജനറല്‍ നഴ്‌സിങ് ആന്റ് മിഡ്‌വൈഫറിയില്‍ (ജിഎന്‍എം) ഡിപ്ലോമയും 50 കിടക്കകളില്‍ കുറയാത്ത ആശുപത്രിയില്‍നിന്നും രണ്ട് വര്‍ഷത്തില്‍ കുറയാത്ത പ്രവൃത്തിപരിചയവും. സ്‌റ്റേറ്റ്/ഇന്ത്യന്‍ നഴ്‌സിങ് കൗണ്‍സിലില്‍ രജിസ്റ്റര്‍ ചെയ്തിരിക്കണം. പ്രായപരിധി 18-30 വയസ്. നിയമാനുസൃത വയസ്സിളവുണ്ട്.
അപേക്ഷാ ഫീസ് 3000 രൂപ. എസ്‌സി/എസ്ടി/ഇഡബ്ല്യുഎസ് വിഭാഗങ്ങളില്‍പ്പെടുന്നവര്‍ക്ക് 2400 രൂപ മതി. ഭിന്നശേഷിക്കാര്‍ക്ക് ഫീസില്ല.
അപേക്ഷാ സമര്‍പ്പണത്തിനുള്ള നിര്‍ദ്ദേശങ്ങളും സെലക്ഷന്‍ നടപടികളും ശമ്പളവും സംവരണവുമെല്ലാം അടങ്ങിയ റിക്രൂട്ട്‌മെന്റ് വിജ്ഞാപനം www.aiimsexams.ac.in- ല്‍ ലഭ്യമാണ്.
