ന്യൂദല്ഹി ഇറ്റലിയില് നിന്നും വെറും ശരാശരി മോഡല് മാത്രമായിരുന്ന മെലാനിയ ട്രംപ് പിന്നീട് യുഎസിലേക്ക് കുടിയേറിയതിനും ഡൊണാള്ഡ് ട്രംപിന്റെ ഭാര്യയായതിനും പിന്നില് കഥകളുണ്ടെന്ന വെളിപ്പെടുത്തലുമായി ഡൊണാള്ഡ് ട്രംപിന്റെ ജീവചരിത്രം എഴുതിയ മൈക്കേള് വുള്ഫിന്റെ വെളിപ്പെടുത്തല്.
സ്ലോവേനിയക്കാരിയാണ് മെലനിയ ട്രംപെങ്കിലും ഇറ്റലി കേന്ദ്രമായി പ്രവര്ത്തിക്കുന്ന ഒരു മോഡലുകളെ മാനേജ് ചെയ്യുന്ന പൗലോ സാംപൊല്ലി ആണ് മെലനിയയെ ഇറ്റലിയിലേക്ക് എത്തിച്ചത്. ഇദ്ദേഹത്തിന്റെ ഐഡി മോഡല്സ് എന്ന മോഡലുകളെ വിതരണം ചെയ്യുന്ന കമ്പനിയില് അംഗമായിരുന്നു മെലനിയ. പൗലോ സാംപൊല്ലിക്ക് അമേരിക്കയിലും നല്ല പിടിപാടുണ്ടായിരുന്നു. അദ്ദേഹത്തിന്റെ അടുത്ത സുഹൃത്തായിരുന്നു വിവാദനായകന് എപ്സ്റ്റീന്. പ്രായപൂര്ത്തിയാകാത്ത പെണ്കുട്ടികളെ സ്വയം ഉപയോഗിക്കുകയും വമ്പന്മാര്ക്ക് കാഴ്ചവെയ്ക്കുകയും ചെയ്ത വ്യക്തിയാണ് എപ് സ്റ്റീന്. അതുവഴി അദ്ദേഹം പൊടുന്നനെ സമ്പന്നനാകുകയും അധികാരം ആര്ജ്ജിക്കുകയും ചെയ്തു.
പൗലോ സാംപൊല്ലി മെലനിയയെ ഇറ്റലിയില് നിന്നും അമേരിക്കയിലേക്ക് കടത്തിയത് ഐന്സ്റ്റൈന് വിസ ഉപയോഗിച്ചാണ്. സാധാരണയായി ശാസ്ത്രമേഖലകളില് വന്സംഭാവന ചെയ്തവര്ക്ക് നല്കുന്നതാണത്രെ ഐന്സ്റ്റൈന് വിസ എന്നും ആരോപിക്കുപ്പെടുന്നു. ഈ പ്രത്യേക വിസ മെലനിയയ്ക്ക് സംഘടിപ്പിച്ച് നല്കിയതിന് പിന്നില് എപ് സ്റ്റീന്റെ കരങ്ങളുണ്ടെന്നും ആരോപിക്കപ്പെടുന്നു.
1998ലാണ് ട്രംപ് ആദ്യമായി മെലനിയയെ കാണുന്നത്. രണ്ട് തവണ വിവാഹമോചനം നേടിയ ട്രംപ് പിന്നീട് ഒരു ദിവസം രാത്രി ന്യൂയോര്ക്കിലെ കിറ്റ് കാറ്റ് ക്ലബ്ബില് വെച്ച് കണ്ടപ്പോഴാണ് മെലനിയയുമായി കൂടുതല് അടുത്തത്. അത് പിന്നീട് വിവാഹത്തില് എത്തി.
ഇപ്പോള് എപ്സ്റ്റീന്റെ വിവാദജീവിതവുമായി ബന്ധപ്പെട്ട കാര്യങ്ങള് വിവാദമാവുകയാണ്. ട്രംപുമായി പിണങ്ങിയപ്പോള് ഇലോണ് മസ്കാണ് എപ്സ്റ്റീന് ഫയലുകള് പുറത്തുവിടണമെന്ന ആവശ്യം ആദ്യമായി ഉയര്ത്തിയത്. ഡൊണാള്ഡ് ട്രംപും മെലനിയയും എപ്സ്റ്റീനൊപ്പം നില്ക്കുന്ന 2000ലെ ഒരു ഫോട്ടോയും പുറത്തുവന്നിട്ടുണ്ട്. യുഎസിലെ അറ്റോര്ണി ജനറലായ പാം ബോണ്ടി ഈയിടെ ട്രംപിനോട് നേരിട്ട് തന്നെ അദ്ദേഹത്തിന്റെ പേര് എപ്സ്റ്റീന് ഫയലില് ഉണ്ടെന്ന് വെളിപ്പെടുത്തിയ കാര്യം വാള്സ്ട്രീറ്റ് ജേണല് വെളിപ്പെടുത്തിയതോടെ കാര്യങ്ങള് കൂടുതല് വഷളായിരിക്കുന്നു.
സെപ്തംബറില് എപ്സ്റ്റീന് ഫയല് സംബന്ധിച്ച് അമേരിക്കന് പാര്ലമെന്റില് ചര്ച്ച നടക്കുമെന്ന് പറയപ്പെടുന്നു. അങ്ങിനെയെങ്കില് അത് ട്രംപിന്റെ അധികാരത്തിന്റെ അവസാനനാളുകളായിരിക്കുമെന്നും വിലയിരുത്തപ്പെടുന്നു.
