ന്യൂദൽഹി: ദേശസ്നേഹം വളർത്താനും ഭാരത ദേശീയ പതാകയെക്കുറിച്ച് അവബോധം വർദ്ധിപ്പിക്കാനും ലക്ഷ്യമിട്ട് ത്രിവർണ്ണ പതാകയെ ആധാരമാക്കി പ്രശ്നോത്തരി മത്സരം. കേന്ദ്ര യുവജനകാര്യ, കായിക മന്ത്രാലയത്തിന് കീഴിലുള്ള മേരാ യുവ ഭാരത് ആണ് രാജ്യവ്യാപകമായി പ്രശ്നോത്തരി സംഘിപ്പിക്കുന്നത്. പോർട്ടലിൽ (mybharat.gov.in) നടക്കുന്ന ഈ ഓൺലൈൻ പ്രശ്നോത്തരിയിൽ ആർക്കും പങ്കെടുക്കാം.
പങ്കെടുക്കുന്ന മൾട്ടിപ്പിൾ ചോയ്സ് ചോദ്യങ്ങൾ (MCQs) ഉൾപ്പെടുന്ന ഈ ക്വിസിൽ ഓരോ ചോദ്യത്തിനും നാല് ഓപ്ഷനുകൾ ഉണ്ടാകും. പങ്കെടുക്കുന്നവർക്കെല്ലാം ഇ-സർട്ടിഫിക്കറ്റ് ലഭിക്കും.
മികച്ച പ്രകടനം കാഴ്ചവെച്ച് മുന്നിലെത്തുന്ന 25 പേർക്ക് കേന്ദ്ര യുവജനകാര്യ, കായിക വകുപ്പ് മന്ത്രി ഡോ. മൻസുഖ് മാണ്ഡവ്യയോടൊപ്പം സിയാച്ചിൻ സന്ദർശിക്കാൻ അവസരം ലഭിക്കും.
MYBharat പ്ലാറ്റ്ഫോമിൽ രജിസ്റ്റർ ചെയ്തിട്ടുള്ള എല്ലാവർക്കും ക്വിസിൽ പങ്കെടുക്കാമെങ്കിലും സിയാച്ചിൻ സന്ദർശനത്തിനുള്ള വിജയികളെ 21-നും 29-നും ഇടയിൽ പ്രായമുള്ളവരിൽ നിന്ന് മാത്രമേ തിരഞ്ഞെടുക്കൂ. ഉയർന്ന സ്കോർ നേടിയവരിൽ നിന്ന് കമ്പ്യൂട്ടർ അധിഷ്ഠിത നറുക്ക് സമ്പ്രദായത്തിലൂടെയായിരിക്കും ഇരുപത്തിയഞ്ച് വിജയികളെ തിരഞ്ഞെടുക്കുന്നത്.
ക്വിസിൽ പങ്കെടുക്കാൻ പ്രവേശന ഫീസ് ഇല്ല. സമ്മാനങ്ങൾക്ക് അർഹത നേടുന്നതിന് പങ്കെടുക്കുന്നവർ MYBharat പോർട്ടലിലെ അവരുടെ പ്രൊഫൈലുകൾ കൃത്യവും കാലികവുമാണെന്ന് ഉറപ്പാക്കണം.
