ടെല് അവീവ്: ഗാസ പിടിച്ചെടുക്കാനുള്ള ഇസ്രയേല് പ്രധാനമന്ത്രി ബെഞ്ചമിന് നെതന്യാഹുവിന്റെ നീക്കത്തെ എതിര്ത്ത് പ്രതിരോധ സേനാ മേധാവി ഇയാല് സമീര്.
ഇത് സംബന്ധിച്ചുള്ള തര്ക്കം രൂക്ഷമാവുകയാണ്. ചൊവ്വാഴ്ച ചേര്ന്ന ഉന്നതതല യോഗത്തിലാണ് നെതന്യാഹു ഈ തീരുമാനം അറിയിച്ചത്. പ്രതിരോധമന്ത്രി ഇസ്രയേല് കട്സ്, സേനാ മേധാവി ഇയാല് സമീര്, മന്ത്രി റോണ് ഡെര്മര് എന്നിവര് യോഗത്തില് പങ്കെടുത്തിരുന്നു.
ഗാസ പിടിച്ചെടുക്കാനുള്ള നീക്കം സൈന്യത്തിന് എതിരെയുള്ള കെണിയാണെന്ന് ഐഡിഎഫ് (ഇസ്രയേല് പ്രതിരോധ സേന) മേധാവി വാദിച്ചു.
വ്യാഴാഴ്ച ക്യാബിനറ്റ് യോഗം ചേരുമെന്നാണ് റിപ്പോര്ട്ടുകള്. യോഗത്തിലെടുക്കുന്ന തീരുമാനം സൈന്യം അംഗീകരിക്കുകയും ഔദ്യോഗികമായി നടപ്പിലാക്കുകയും ചെയ്യുമെന്ന് പ്രതിരോധ മന്ത്രി കട്സ് പറഞ്ഞു. ഐഡിഎഫ് മേധാവിയെ വിമര്ശിച്ച് നെതന്യാഹുവിന്റെ മകന് യേര് നെതന്യാഹു രംഗത്തെത്തിയിരുന്നു.
ഇസ്രയേലിലെ കലാപത്തിനും സൈനിക അട്ടിമറിക്കും പിന്നില് സമീര് ആണെന്ന് യേര് ആരോപിച്ചു. എന്നാല് ആരോപണങ്ങളെല്ലാം ഇയാല് സമീര് നിഷേധിച്ചു.
ഇതേ സമയം മകനെ പിന്തുണച്ചുകൊണ്ട് നെതന്യാഹു പ്രതികരിച്ചു. രാജിവെയ്ക്കുമെന്ന് പറഞ്ഞ് സമൂഹമാധ്യമങ്ങളിലൂടെയുള്ള ഭീഷണി വേണ്ടെന്നും അദ്ദേഹം പറഞ്ഞു.
ഗാസ പിടിച്ചെടുക്കാനുള്ള തീരുമാനത്തോട് അനുകൂലിക്കാനാകുന്നില്ലെങ്കില് ഇയാല് സമീറിനോട് സ്ഥാനമൊഴിയാന് നെതന്യാഹുവിന്റെ ഓഫീസ് കഴിഞ്ഞ ദിവസം വ്യക്തമാക്കിയിരുന്നു.
