തിരുവനന്തപുരം : ലോ അക്കാദമിയില് എസ്എഫ്ഐ – എബിവിപി പ്രവര്ത്തകര് തമ്മില് സംഘര്ഷം. എബിവിപി പ്രവര്ത്തകന്റെ നട്ടെല്ലിനും എസ്എഫ്ഐ പ്രവര്ത്തകന്റെ തലയ്ക്കും പരിക്കേറ്റു.
പരിക്കേറ്റവരെ പേരൂര്ക്കട താലൂക്ക് ആശുപത്രിയിലും മെഡിക്കല് കോളേജിലുമായി പ്രവേശിപ്പിച്ചു.നേരത്തേ ഇരു വിഭാഗവും തമ്മിലുണ്ടായിരുന്ന അസ്വാരസ്യങ്ങളുടെ തുടര്ച്ചയായാണ് ഇന്നത്തെ സംഘര്ഷമെന്നാണ് അറിയുന്നത്.
ബുധനാഴ്ച വൈകിട്ടോടെയാണ് സംഭവം.ഒരു മാസം മുന്പ് ഭാരതാംബ വിവാദത്തില് മന്ത്രി വി ശിവന്കുട്ടിക്കെതിരെ എബിവിപി വ്യാപക പ്രതിഷേധം സംഘടിപ്പിച്ചതിനെ തുടര്ന്ന് എസ് എഫ് ഐ പ്രവര്ത്തകര് എ ബി വി പി സംസ്ഥാന സെക്രട്ടറി ഈശ്വരപ്രസാദിനെ ക്രൂരമായി മര്ദ്ദിച്ചിരുന്നു.തിരുവനന്തപുരം തമ്പാനൂരില് വച്ചായിരുന്നു ഇത്.
