വിശദവിവരങ്ങള്‍ www.sgou.ac.in
സെപ്തംബര്‍ 10 വരെ ഓണ്‍ലൈനില്‍ അപേക്ഷിക്കാം
3/4 വര്‍ഷ ബിഎ, ബിബിഎ, ബികോം, ബിഎസ് സി, ബിസിഎ കോഴ്‌സുകളില്‍ പ്ലസ്ടുകാര്‍ക്ക് പ്രവേശനം
ശ്രീനാരായണ ഗുരു ഓപ്പണ്‍ യൂണിവേഴ്‌സിറ്റി (കുരീപ്പുഴ കൊല്ലം) 2025-26 അദ്ധ്യയന വര്‍ഷത്തെ ബിരുദ, ബിരുദാനന്തര കോഴ്‌സുകളില്‍ വിദൂര പഠനാവസര മൊരുക്കുന്നു. പ്ലസ്ടുകാര്‍ക്ക് 3/4 വര്‍ഷത്തെ ഡിഗ്രി (യുജി) കോഴ്‌സുകളിലും ബിരുദകാര്‍ക്ക് 2 വര്‍ഷത്തെ പിജി കോഴ്‌സുകളിലും പ്രവേശനം നേടാം. ഓപ്പണ്‍ ആന്റ് ഡിസ്റ്റന്‍സ് കോഴ്‌സുകള്‍ക്ക് യുജിസി- ഡിസ്റ്റന്‍സ് എഡ്യൂക്കേഷന്‍ ബോര്‍ഡിന്റെ (ഡിഇബി) അംഗീകാരമുണ്ട്.
നാല് വര്‍ഷം യുജി പ്രോഗ്രാമുകള്‍: ബിഎ- ഇംഗ്ലീഷ്, മലയാളം ഹിസ്റ്ററി, സോഷ്യോളജി, ബിബിഎ, ബികോം. എട്ട് സെമസ്റ്ററുകളായി നടത്തുന്ന കോഴ്‌സില്‍ 3 വര്‍ഷം പൂര്‍ത്തിയാവുമ്പോള്‍ ബിരുദം നേടി പുറത്ത് പോകാവുന്ന എക്‌സിറ്റ് ഓപ്ഷന്‍ ലഭ്യമാണ്. യോഗ്യത പ്ലസ്ടു/ ഹയര്‍ സെക്കന്ററി/ തത്തുല്യ പരീക്ഷ പാസായിരിക്കണം.
മൂന്ന് വര്‍ഷ യുജി പ്രോഗ്രാമുകള്‍ (ആറ് സെമസ്റ്ററുകള്‍) ബിഎ- അഫ്‌സല്‍- ഉല്‍ ഉല്‍മ, അറബിക്, ഹിന്ദി, സംസ്‌കൃതം, ഇക്കണോമിക്‌സ്, നാനോ എന്റര്‍പ്രണര്‍ഷിപ്പ്, ഫിലോസഫി, പൊളിറ്റിക്കല്‍ സയന്‍സ്, സൈക്കോളജി, ബിസിഎ, ബിഎസ് സി-ഡാറ്റാ സയന്‍സ് ആന്റ് അനലിറ്റിക്‌സ്. യോഗ്യതാ ഹയര്‍സെക്കന്ററി/ പ്ലസ്ടു/ തത്തുല്യ പരീക്ഷ പാസായിരിക്കണം.
രണ്ടുവര്‍ഷത്തെ പിജി പ്രാഗ്രാമുകള്‍ (നാലു സെമസ്റ്ററുകള്‍) എംഎ- അറബിക്, ഇംഗ്ലീഷ്, ഹിന്ദി, മലയാളം, സംസ്‌കൃതം ഇക്കണോമിക്‌സ്, ഹിസ്റ്ററി ഫിലോസഫ്, പൊളിറ്റിക്കല്‍ സയന്‍സ്, പബ്ലിക് അഡ്മിനിസ്‌ട്രേഷന്‍, സോഷ്യോളജി, എം.കോം. യോഗ്യത- അംഗീകൃത സര്‍വ്വകലാശാല ബിരുദം.
സര്‍ട്ടിഫിക്കറ്റ് പ്രോഗ്രാമുകള്‍ (6 മാസം) സര്‍ട്ടി ഫൈഡ് സൈബര്‍ സെക്യൂരിറ്റി അനലിസ്റ്റ് (ഐസിറ്റി അക്കാദമിയോട് സഹകരിച്ച് നടത്തുന്ന കോഴ്‌സ്), അപ്ലൈഡ് മെഷ്യന്‍ ലേണിംഗ് (ടികെഎം എന്‍ജിനിയറിംഗ് കോളേജുമായി സഹകരിച്ച് നടത്തുന്ന കോഴ്‌സ്) കമ്മ്യൂണിക്കേഷന്‍ സ്‌കില്‍ ഫൗണ്ടേഷന്‍ കോഴ്‌സ് ഫോര്‍ ഐഇഎല്‍ടിഎസ് ആന്റ് ഒഇടി (കേംബ്രിഡ്ജ് യൂണിവേഴ്‌സിറ്റി പ്രസ്സുമായി സഹകരിച്ച് നടത്തുന്ന കോഴ്‌സ്)
യോഗ്യതാ മാനദണ്ഡങ്ങള്‍, സെലക്ഷന്‍ നടപടികള്‍ അടക്കം സമഗ്രവിവരങ്ങള്‍ക്ക് www.sgou.ac.in സന്ദര്‍ശിക്കേണ്ടതാണ്. പ്രവേശനത്തിനായുള്ള ഓണ്‍ലൈന്‍ രജിസ്‌ട്രേഷന്‍ ജൂലൈ ഒന്നിന് തുടങ്ങി. സെപ്തംബര്‍ 10 വരെ ഓണ്‍ലൈനി
ല്‍ അപേക്ഷ സ്വീകരിക്കും. പ്രോഗ്രാം ഫീസ്, റീജിയണല്‍/ ലേണേഴ്‌സ് സപോര്‍ട്ട് സെന്ററുകള്‍, രജിസ്‌ട്രേഷനുള്ള മാര്‍ഗ്ഗ നിര്‍ദ്ദേശങ്ങള്‍ മുതലായ വിവരങ്ങള്‍ വെബ്‌സൈറ്റില്‍ പ്രോസ്‌പെക്ടിസില്‍ ലഭിക്കും. അന്വേഷണങ്ങള്‍ക്ക് 9188909901, 9188909902 email.admission25 @sgou.ac.in
