തിരുവനന്തപുരം: കാർഗിൽ യുദ്ധത്തിലെ ഇന്ത്യൻ സേനയുടെ വിങ്ങിയ ജയം അനുസ്മരിച്ച് പാങ്ങോട് സൈനിക കേന്ദ്രത്തിൽ കാർഗിൽ വിജയ് ദിവസ് ആചരിച്ചു. യുദ്ധവിജയത്തിന്റെ 26-ാം വാർഷിക ദിനമായ ജൂലൈ 26-നാണ് ചടങ്ങ് നടന്നത്.
ഗവർണർ രാജേന്ദ്ര വിശ്വനാഥ് അർലേക്കർ മുഖ്യാതിഥിയായി ചടങ്ങിൽ പങ്കെടുത്തു. പാങ്ങോട് യുദ്ധ സ്മാരകത്തിൽ ഗവർണർ പുഷ്പചക്രം അർപ്പിച്ചു. വീരസമരത്തിൽ ജീവൻ ത്യജിച്ച സൈനികർക്ക് ആദരാഞ്ജലി അർപ്പിച്ചു.
സ്റ്റേഷൻ കമാൻഡർ ബ്രിഗേഡിയർ അനുരാഗ് ഉപാധ്യായ, മുതിർന്ന സൈനിക ഉദ്യോഗസ്ഥർ, വിമുക്തഭടന്മാർ, സൈനികർ തുടങ്ങിയവർ പങ്കെടുത്തു. ഗവർണർ വിമുക്തഭടന്മാരുമായി സംവദിക്കുകയും ചെയ്തു.
1999ലെ കാർഗിൽ യുദ്ധത്തിൽ പാകിസ്ഥാൻ ആക്രമണത്തെ പ്രതിരോധിച്ച് വിജയിച്ച ഇന്ത്യൻ സേനാംഗങ്ങളെ സ്മരിക്കുന്നതിനും രാജ്യത്തിന്റെ പ്രതിരോധത്തിനായി ജീവൻ നൽകിയ വീരസേനാനികൾക്ക് ആദരമർപ്പിക്കുന്നതിനുമാണ് ഓരോ വർഷവും ജൂലൈ 26 ന് കാർഗിൽ വിജയ് ദിവസ് ആചരിക്കുന്നത്
