തിരുവനന്തപുരം: സ്ത്രീ സുരക്ഷയ്ക്ക് വേണ്ടിയുള്ള വിഎസിന്റെ നിലപാടുകള്‍ എടുത്തുപറഞ്ഞ് അന്തരിച്ച കമ്മ്യൂണിസ്റ്റ് നേതാവിന് ആദരമര്‍പ്പിച്ച് ചലച്ചിത്രതാരം മഞ്ജുവാര്യര്‍. തന്‌റെ ഫേസ് ബുക്ക് അക്കൗണ്ടിലൂടെയാണ് നടി അനുശോചനം അറിയിച്ചത്.
വിഎസ് അച്യുതാനന്ദന്റെ കാല്‍പാദത്തില്‍ ഒരു മുറിവിന്റെ ഇന്നും മായാത്ത പാടുള്ളതായി ഒരിക്കല്‍ വായിച്ചതോര്‍ക്കുന്നുവെന്ന് പോസ്റ്റില്‍ പറയുന്നു. പുന്നപ്ര വയലാര്‍ സമരത്തിന് ഓര്‍മ്മയായ ബാലറ്റ് അടയാളം. അതു കൊണ്ടാണ് അദ്ദേഹം ജനഹൃദയങ്ങളിലേക്ക് കടന്നു കയറിയത്, അത് ഓരോ ചുവടിലും സൂക്ഷിച്ചിരുന്നത് കൊണ്ടാണ് അദ്ദേഹം എന്നും ഒരു പോരാളിയായിരുന്നതും. സ്ത്രീ സുരക്ഷയ്ക്ക് വേണ്ടിയുള്ള വിഎസിന്റെ നിലപാടുകള്‍ കാലത്തിന്റെ ആവശ്യകത കൂടിയായിരുന്നു. പേരിന് ശരിയടയാളമാക്കിയ നേതാവിന് ആദരാഞ്ജലികള്‍. പോസ്റ്റില്‍ പറയുന്നു.
