ന്യൂദല്ഹി: കന്വാരിയകളുടെ യാത്രയ്ക്ക് ദല്ഹിയില് യാതൊരു തടസ്സവും അനുവദിക്കില്ലെന്നും അവര്ക്ക് എന്തെങ്കിലും ശല്ല്യമുണ്ടായാല് അത് സഹിയ്ക്കുന്ന പ്രശ്നമില്ലെന്നും ദല്ഹി മുഖ്യമന്ത്രി രേഖാഗുപ്തയുടെ അന്ത്യശാനം. കന്വാരിയകള് നടക്കുന്ന ദല്ഹിയിലെ ഷഹ് ദാരാ പാതകളില് ചില്ല് കഷണങ്ങള് വിതറിയതായുള്ള വാര്ത്ത കേട്ട് അതിനോട് പ്രതികരിക്കുകയായിരുന്നു രേഖാ ഗുപ്ത.
ദല്ഹി മുഖ്യമന്ത്രി രേഖാ ഗുപ്ത കന്വാരിയകള്ക്ക് ഭക്ഷണം വിളമ്പിക്കൊടുക്കുന്നു:
BIG NEWS 🚨 After Moradabad Police hosted a feast for Kanwariyas, Delhi CM Rekha Gupta was seen serving food at a Kanwar Camp in Dhaula Kuan, Delhi.
Burnol demand at its peak today 🔥 pic.twitter.com/bVok2Flhoq
— Times Algebra (@TimesAlgebraIND) July 20, 2025
“കന്വാര് യാത്രാ പഥങ്ങളില് 400 മീറ്റര് ദൂരത്തില് ചില്ല് കഷണങ്ങള് ആരോ വിതറിയിരുന്നു. കന്വാരിയകള്ക്ക് നേരെ ഒരു ശല്യവും അനുവദിക്കില്ല. അവര്ക്ക് എന്തെങ്കിലും പ്രശ്നങ്ങള് സൃഷ്ടിക്കുന്നവര് സര്ക്കാരിനോട് ഉത്തരം പറയേണ്ടതായി വരും.”- രേഖാ ഗുപ്ത പറഞ്ഞു.
കന്വാരിയകളുടെ പാതയില് ചില്ലുകള് വിതറിയ ഓട്ടോ ഡ്രൈവറെ അറസ്റ്റ് ചെയ്തു
കന്വാരിയകളുടെ പാതയില് ചില്ലുകള് വിതറിയ ഇ-ഓട്ടോ ഡ്രൈവറെ അറസ്റ്റ് ചെയ്തതായി രേഖാ ഗുപ്ത പറഞ്ഞു. ഓട്ടോയില് ഗ്ലാസ് പാനലുകള് കൊണ്ടുവന്നശേഷം പൊട്ടിച്ച് കന്വാരിയകളുടെ പാതയില് വിരിയ്ക്കുകയായിരുന്നു ഇയാള്.
ഉത്തര്പ്രദേശിലെ ഷാലിമാര് ഗാര്ഡനില് നിന്നും ദല്ഹിയിലെ സീലാംപൂരിലേക്ക് 19 ഗ്ലാസ് പാനലുകളും കൊണ്ടുപോകുകയായിരുന്നു ഈ ഓട്ടോറിക്ഷയെന്ന് പൊലീസ് പറഞ്ഞു.
കന്വാരിയകള്ക്ക് എല്ലാ സൗകര്യങ്ങളും നല്കുമെന്ന് രേഖാ ഗുപ്ത പറഞ്ഞു. ശിവഭക്തരായ കന്വാരിയകള്ക്ക് സുരക്ഷിതവും സുഖകരവുമായ കന്വാര് യാത്ര ഒരുക്കുമെന്നും അവര് പറഞ്ഞു.
മൊറാദാബാദ് പൊലീസ് കന്വാരിയകള്ക്ക് ഒരുക്കിയ സദ്യ വിളമ്പിക്കൊടുക്കാനും രേഖാ ഗുപ്ത എത്തി. ദല്ഹിയിലെ ദൗല കുവാനില് ഒരുക്കിയ കന്വാര് ക്യാമ്പിലായിരുന്നു ഈ സദ്യ.
ആരാണ് കന്വാരിയകള്?
ശിവഭക്തരെയാണ് കന്വാരിയകള് എന്ന് വിളിക്കുന്നത്. ഗംഗാജലം ശേഖരിക്കാന് ഹരിദ്വാര്, ഗുരുമുഖ്, ഗംഗോത്രി എന്നീ തീര്ത്ഥസ്ഥലങ്ങളിലേക്ക് കന്വാരിയകള് എന്ന് വിളിക്കപ്പെടുന്ന ശിവഭക്തര് ഉത്തരേന്ത്യയിലെ വിവിധ സംസ്ഥാനങ്ങളില് നിന്നും കാല്നടയായി പോയി ഗംഗാജലവും ശേഖറിച്ച് കാല്നടയായി തന്നെ മടങ്ങിപ്പോകും. ഇതിനെയാണ് കന്വാര് യാത്ര എന്ന് വിളിക്കുന്നത്. ഗംഗാജലം ശേഖരിക്കാനുള്ള പാത്രം തോളില് ഏന്തിയാണ് ഇവര് നടന്നുപോവുക. ശ്രമകരവും അങ്ങേയറ്റം ത്യാഗോജ്ജ്വലവും ഭക്തിനിര്ഭരവുമാണ് ഈ യാത്ര.
