തിരുവനന്തപുരം: സ്വകാര്യ സ്വാശ്രയ എന്‍ജിനീയറിങ് കോളേജ് മാനേജ്മെന്റുകളുമായി സര്‍ക്കാര്‍ ഏര്‍പ്പെട്ടിട്ടുള്ള കരാറിനു വിധേയമായി സ്വകാര്യ സ്വാശ്രയ എഞ്ചിനീയറിംഗ് കോളേജുകളിലെ നിശ്ചിത ശതമാനം കമ്മ്യൂണിറ്റി/രജിസ്റ്റേര്‍ഡ് ട്രസ്റ്റ് ക്വാട്ട സീറ്റുകളിലേയ്‌ക്കം, സംസ്ഥാനത്തെ കോ-ഓപ്പറേറ്റിവ് അക്കാദമി ഓഫ് പ്രൊഫഷണല്‍ എഡ്യൂക്കേഷന്റെ കീഴിലുള്ള സര്‍ക്കാര്‍ കോസ്റ്റ് ഷെയറിംഗ് എഞ്ചിനീയറിംഗ് കോളേജുകളിലെ കോഴ്സുകളിലേക്കു സംസ്ഥാന സഹകരണ വകുപ്പിലെ ജീവനക്കാരുടെയും രജിസ്ട്രാര്‍ ഓഫ് കോ-ഓപ്പറേറ്റീവ് സൊസൈറ്റിയുടെ കീഴിലുള്ള സഹകരണ സൊസൈറ്റികള്‍ / ബാങ്കുകള്‍/ മറ്റ് സ്ഥാപനങ്ങള്‍ എന്നിവയിലെ ജീവനക്കാരുടെയും, ഡയറക്ടര്‍ ബോര്‍ഡ് അംഗങ്ങളുടെയും മക്കള്‍ക്കായി നീക്കി വച്ചിട്ടുള്ള 5 ശതമാനം സീറ്റുകളിലേയ്ക്ക് സംസ്ഥാന പ്രവേശന പരീക്ഷാ കമ്മീഷണര്‍ തയ്യാറാക്കി പ്രസിദ്ധീകരിക്കുന്ന റാങ്ക് ലിസ്റ്റില്‍ നിന്നും യോഗ്യരായ വിദ്യാര്‍ത്ഥികളെ കേന്ദ്രീകൃത അലോട്ട്മെന്റ് പ്രക്രിയയിലൂടെ അലോട്ട് ചെയ്യും.
കമ്മ്യൂണിറ്റി/രജിസ്റ്റേര്‍ഡ് സൊസൈറ്റി, രജിസ്റ്റേര്‍ഡ് ട്രസ്റ്റ് ക്വാട്ട സീറ്റുകളിലേയ്ക്ക് പ്രവേശനം ആഗ്രഹിക്കുന്ന വിദ്യാര്‍ത്ഥികള്‍ പ്രവേശന പരീക്ഷാ കമ്മീഷണറുടെ www.cee.kerala.gov.in ലെ ‘KEAM 2025- Candidate Portal എന്ന ലിങ്കിലുടെ ഹോം പേജില്‍ പ്രവേശിച്ച് ‘Community quota / Proforma’ എന്ന മെനു ക്ലിക്ക് ചെയ്ത് കോളേജ് സെലക്ട് ചെയ്യുമ്പോള്‍ ലഭ്യമാകുന്ന പ്രൊഫോര്‍മയുടെ പ്രിന്റൗട്ട് എടുത്ത് ഒപ്പിട്ട ശേഷം, ആവശ്യമായ രേഖകള്‍ സഹിതം 17 വൈകുന്നരം 4 മണിക്ക് മുമ്പായി അതത് കോളേജ് അധികൃതരുടെ മുമ്പാകെ ഹാജരാകണം. കോളേജുകളുടെ തരം തിരിച്ചുള്ള ലിസ്റ്റ്, വിശദ വിവരങ്ങള്‍ എന്നിവയ്‌ക്ക് പ്രവേശന പരീക്ഷാ കമ്മീഷണറുടെ വെബ്‌സൈറ്റിലെ വിജ്ഞാപനം കാണുക. ഫോണ്‍ നമ്പര്‍ : 0471 -2332120, 2338487
