നസ്ലെന് നായകനാകുന്ന ഏറ്റവും പുതിയ ചിത്രങ്ങളിലൊന്നാണ് ‘മോളിവുഡ് ടൈംസ്’. കഴിഞ്ഞ ദിവസമായിരുന്നു സിനിമയുടെ പൂജ. പൂജ ചടങ്ങില് നടന് ഫഹദ് ഫസിലും പങ്കെടുത്തിരുന്നു. ചടങ്ങില് പങ്കെടുത്ത ഫഹദിന്റെ കൈയ്യിലുണ്ടായിരുന്ന ഫോണിനെ കുറിച്ചാണിപ്പോള് സോഷ്യല് മീഡിയയില് ചര്ച്ച.
ഫഹദ് കീപാഡ് ഫോണ് ഉപയോഗിക്കുന്നതിന്റെയും കോള് ചെയ്യുന്നതിന്റെയും ചിത്രങ്ങള് സോഷ്യല് മീഡിയയില് വൈറലാവുകയാണ്. ആളുകള് സ്മാര്ട്ട് ഫോണുകള് ഉപയോഗിക്കുന്ന കാലത്ത് വലിയൊരു താരമായിട്ട് പോലും കീപാഡ് ഫോണ് ഉപയോഗിക്കുന്ന ഫഹദ് എന്തൊരു സിമ്പിളാണ് എന്നുമാണ് കമന്റുകള്. ഫഹദ് ഉപയോഗിക്കുന്നത് കീപാഡ് ഫോണില് ഏതാണെന്നാണ് ആളുകള്ക്ക് അറിയേണ്ടത്.
എന്നാൽ ആ ഫോൺ ഏതാണെന്ന് കണ്ടുപിടിച്ചതോടെ സകലരും ഞെട്ടി. ആഗോള ബ്രാൻഡ് ആയ വെർടുവിന്റെ ഫോണാണ് ഫഹദ് നിലവിൽ ഉപയോഗിക്കുന്നത്. എന്നാൽ ഏതു മോഡലാണെന്ന കാര്യത്തിൽ സ്ഥിരീകരണമില്ല.
വെർടുവും ഫെരാരിയും ചേർന്ന് പുറത്തിറക്കിയ Vertu Ascent ബ്ലാക്ക് ആണ് ഈ ഫോണെന്ന് ചിലർ പറയുന്നത്. ഇന്ത്യൻ രൂപ ഏകദേശം ഒരു ലക്ഷം രൂപയോളം വിലവരുന്ന ഫോണിന് ചില സൈറ്റുകളിൽ 1199 ഡോളറാണ് വില. ഇന്ത്യയിലേക്ക് എത്തുന്നതോടെ വില വീണ്ടും കൂടാനാണ് സാധ്യത. അതേസമയം, അത് ഫെറാറി അല്ല റെട്രോ ക്ലാസിക് ആണെന്നും ചിലർ പറയുന്നുണ്ട്. ഇതിനു ഏഴ് ലക്ഷത്തിനു മുകളിൽ ആണ് വില വരുന്നത്. ഒരു ലക്ഷം മുതൽ 70 ലക്ഷം രൂപ വരെ വില വരുന്ന മോഡലുകൾ വെർടുവിനുണ്ട്.
