തിരുവനന്തപുരം :സ്കൂളുകളിലെ പാദപൂജ വിവാദത്തില് ഗവര്ണര് രാജേന്ദ്ര വിശ്വനാഥ് അര്ലേക്കറെ തള്ളി വിദ്യാഭ്യാസ മന്ത്രി വി ശിവന്കുട്ടി.പാദപൂജ കേരള സംസ്കാരത്തിന് യോജിച്ചതല്ലെന്നും ആര്എസ്എസ് അജണ്ടയാണ് ഗവര്ണര് പറയുന്നതെന്നുമാണ് മന്ത്രിയുടെ വാദം.ഗവര്ണറെ പോലെയുള്ള ഭരണത്തലവന്റെ പരാമര്ശങ്ങള് ദുഃഖകരമാണ്.
ഗുരുപൂജ നമ്മുടെ സംസ്കാരത്തിന്റെ ഭാഗമാണ്. ഗുരുപൂജയുടെ പ്രാധാന്യം മനസിലാക്കാത്തവരാണ് അതിനെ വിമര്ശിക്കുന്നതെന്നുമാണ് ഗവര്ണര് പറഞ്ഞത്. കുട്ടികളെ കുറ്റപ്പെടുത്താനാകില്ല. ശരിയായ സംസ്കാരം പഠിപ്പിച്ചു കൊടുത്തില്ലെങ്കില് നമ്മള് നമ്മളെയാണ് കുറ്റപ്പെടുത്തേണ്ടതെന്നും ഗവര്ണര് വിമര്ശിച്ചു.
എന്നാല് അധ്യാപകന് വിദ്യാര്ഥികളെകൊണ്ട് കാല് കഴുകിപ്പിച്ചത് ഞെട്ടിക്കുന്നുവെന്ന് വി ശിവന്കുട്ടി പറഞ്ഞു. ആലപ്പുഴയില് ബിജെപി നേതാവാണ് കാലു കഴുകിപ്പിച്ചതെന്നും ആധുനിക കേരളത്തില് നടക്കാന് പാടില്ലാത്ത കാര്യമാണിതെന്നുമാണ് മന്ത്രിയുടെ അഭിപ്രായം.ഇത്തരക്കാര്ക്കെതിരെ ക്രിമിനല് നടപടി ഉണ്ടാകും.സംഭവത്തില് പൊതു വിദ്യാഭ്യാസ ഡയറക്ടര് അന്വേഷണം നടത്തുകയാണ്. റിപ്പോര്ട്ട് ലഭിച്ചശേഷം കര്ശനനടപടി സ്വീകരിക്കും.
