ആലപ്പുഴ: പമ്പയാറ്റില് ആവേശത്തിരയിളക്കം സൃഷ്ടിച്ച് ചമ്പക്കുളം മൂലം വള്ളംകളി. ചുണ്ടന് വള്ളങ്ങളുടെ വിഭാഗത്തില് എന്സിബിസി ബോട്ട് ക്ലബ് തുഴഞ്ഞ ചെറുതന പുത്തന് ചുണ്ടന് കപ്പുയര്ത്തി. ചെറുതന പുത്തന്ചുണ്ടന് രാജപ്രമുഖന് ട്രോഫി ലഭിച്ചു.
ചമ്പക്കുളം ബോട്ട് ക്ലബ് തുഴഞ്ഞ ചമ്പക്കുളം ചുണ്ടന് രണ്ടാം സ്ഥാനത്തും നിരണം ചുണ്ടന് വെല്ഫെയര് അസോസിയേഷന്റെ ആയാപറമ്പ് വലിയദിവാന്ജി മൂന്നാം സ്ഥാനത്തും എത്തി. യുബിസി കൈനകരിയുടെ ആയാപറമ്പ് പാണ്ടി ചുണ്ടന് ലൂസേഴ്സ് ഫൈനലില് ഒന്നാമതെത്തി.
വെപ്പ് എ ഗ്രേഡില് കുമരകം ടൗണ് ബോട്ട് ക്ലബ് ഫാന്സ് ക്ലബ്ബിന്റെ അമ്പലക്കടവന് ഒന്നാം സ്ഥാനം നേടി.നടുവിലേപ്പറമ്പില് കള്ച്ചറല് ഡെവലപ്മെന്റ് സെന്റര് ആന്ഡ് സൊസൈറ്റി ക്ലബ്ബിന്റെ നവജ്യോതി രണ്ടാം സ്ഥാനത്തെത്തി.
വെപ്പ് ബി ഗ്രേഡ് വിഭാഗത്തില് കൊണ്ടാക്കല് ബോട്ട് ക്ലബ്ബിന്റെ പി ജി കരിപ്പുഴ ഒന്നാം സ്ഥാനം നേടിയപ്പോള് കൊടുപ്പുന്ന ബോട്ട് ക്ലബ്ബിന്റെ ചിറമേല് തോട്ടുകടവന് രണ്ടാം സ്ഥാനം കരസ്ഥമാക്കി.
ജന്മഭൂമി ഓണ്ലൈന്