തിരുവനന്തപുരം: ബുധനാഴ്ച നടത്താനിരുന്ന സര്വകലാശാല പരീക്ഷകള് മാറ്റി. ദേശീയ പണിമുടക്കിനെ തുടര്ന്നാണ് പരീക്ഷകള് മാറ്റിവച്ചത്.
മഹാത്മാ ഗാന്ധി സര്വകലാശാല ബുധനാഴ്ച നടത്താനിരുന്ന പ്രാക്ടിക്കല് ഉള്പ്പെടെ എല്ലാ പരീക്ഷകളും മാറ്റിവച്ചതായി പരീക്ഷാ കണ്ട്രോളര് അറിയിച്ചു. പുതുക്കിയ തീയതി പിന്നീട് അറിയിക്കും. കേരള സര്വകലാശാല ബുധനാഴ്ച നടത്താന് നിശ്ചയിച്ചിരുന്ന എല്ലാ പരീക്ഷകളും മാറ്റിവച്ചു.
കാലിക്കറ്റ് സര്വകലാശാലയിലും ബുധനാഴ്ച നടത്താനിരുന്ന എല്ലാ പരീക്ഷകളും മാറ്റി. പുതുക്കിയ തീയതി പിന്നീടറിയിക്കും.
