കാണാതായ കർഷകന്റെ മൃതദേഹം ഭീമൻ പെരുമ്പാമ്പിന്റെ വയറ്റിൽ കണ്ടെത്തി. ഇന്തോനേഷ്യയിലെ സൗത്ത് ബുട്ടാൻ ജില്ലയിലാണ് സംഭവം. 63 വയസ്സുള്ള കർഷകന്റെ മൃതദേഹമാണ് പെരുമ്പാമ്പിന്റെ വയറ്റിൽ നിന്ന് കണ്ടെത്തിയത് . കൃഷിയിടത്തിലേക്ക് പോയ കർഷകൻ നേരെമേറെയായിട്ടും തിരിച്ചെത്തിയില്ല. കൃഷിയിടത്തിൽ തിരഞ്ഞപ്പോൾ റോഡരികിൽ ഒരു ബൈക്ക് പാർക്ക് ചെയ്തിരിക്കുന്നത് കണ്ടു. കൂടുതൽ തിരച്ചിലിനു ശേഷമാണ് പെരുമ്പാമ്പിനെ കണ്ടെത്തിയത്.
പൂന്തോട്ടത്തിൽ പെരുമ്പാമ്പ് പിടയുന്നത് കണ്ട ആളുകൾ ഇര തൊണ്ടയിൽ കുടുങ്ങിയതാകുമെന്നാണ് കരുതിയത്. ആളുകൾ പാമ്പിനെ കൊന്ന് വയറ് തുറന്നപ്പോൾ കർഷകന്റെ മൃതദേഹം കണ്ടെത്തി. തുടർന്ന് അവർ പോലീസിനെ വിളിച്ച് വിവരം അറിയിച്ചു.
ഈ പ്രദേശത്ത് ഒരു പെരുമ്പാമ്പ് മനുഷ്യനെ വിഴുങ്ങുന്ന ആദ്യ സംഭവമാണിത്. മഴക്കാലത്ത് ഈ ഗ്രാമത്തിൽ കന്നുകാലികളെ ആക്രമിച്ചതായി നിരവധി റിപ്പോർട്ടുകൾ വന്നിട്ടുണ്ട്.
