കോട്ടയം : കോട്ടയത്തെ അതി ദാരിദ്ര്യമില്ലാത്ത ജില്ലയായി പ്രഖ്യാപിച്ചത് ഇടതുമുന്നണി സര്ക്കാരിന്റെ ഭരണ കാലാവധി അവസാനിക്കും മുന്പുള്ള പൊറോട്ടു നാടക പരമ്പരകളിലൊന്നാണെന്ന് ബിജെപി കോട്ടയം വെസ്റ്റ് ജില്ലാ പ്രസിഡന്റ് ജി. ലിജിന് ലാല് പറഞ്ഞു. രാജ്യത്താകമാനം മോദി സര്ക്കാരിന്റെ സമയബന്ധിതമായ പരിപാടികളിലൂടെ ദാരിദ്ര്യം നിര്മാര്ജനം ചെയ്തുവരികയാണ്. അതിന്റെ ക്രെഡിറ്റ് സ്വന്തമാക്കുന്നതിനായി നടത്തുന്ന കണ്കെട്ടു വിദ്യയാണ് ഇപ്പോള് സംസ്ഥാനത്ത് അരങ്ങേറുന്നത്.
അതിദാരിദ്ര്യത്തിന്റെ ദേശീയ ശതമാനം പോലും അഞ്ചില് താഴെയാണ്. ദാരിദ്ര്യവും പാര്പ്പിടമില്ലായ്മയും പരിഹരിക്കുന്നതിനായി വ്യക്തമായ കര്മ്മപദ്ധതികളോടെയാണ് കേന്ദ്രസര്ക്കാര് മുന്നോട്ടുപോകുന്നത്. പാവപ്പെട്ടവര്ക്ക് ഭക്ഷ്യസുരക്ഷ ഉറപ്പാക്കുന്നതിനായി റേഷന്സംവിധാനം കൂടുതല് ശക്തിപ്പെടുത്തി. പാര്പ്പിടവും വസ്ത്രവും ആഹാരവും ഉറപ്പാക്കി. അതിന്റെ പ്രതിഫലനമാണ് എങ്ങും പ്രകടമാകുന്നത് .എന്നാല് അതിനിടെ ക്രെഡിറ്റ് സ്വന്തമാക്കുന്നതിനായി നടത്തുന്ന കണ്കെട്ടു വിദ്യയാണ് ഇപ്പോള് അരങ്ങേറുന്നതെന്ന് ലിജിന് ലാല് പറഞ്ഞു
