ആലപ്പുഴ: കാണാതായ യുവതിയുടെ മൃതദേഹം തോട്ടില്‍ കണ്ടെത്തി. ആലപ്പുഴ ബീച്ച് വാര്‍ഡില്‍ വാടകയ്‌ക്കു താമസിച്ചിരുന്ന മായയാണ് (37) മരിച്ചത്.
രണ്ട് ദിവസമായി മായയെ കാണാനില്ലെന്ന ഭര്‍ത്താവിന്‌റെ പരാതിയില്‍ പൊലീസ് അന്വേഷണം നടക്കുന്നതിനിടെയാണ് വാടകയ്‌ക്ക് താമസിക്കുന്ന സ്ഥലത്തിനു സമീപമുള്ള തോട്ടില്‍ മൃതദേഹം പൊന്തിയത്.
ഇന്‍ക്വസ്റ്റ് നടപടികള്‍ക്കു ശേഷം മൃതദേഹം പോസ്റ്റു മോര്‍ട്ടത്തിനായി ആശുപത്രിയിലേക്കു മാറ്റി. ഭര്‍ത്താവിനും കുട്ടികള്‍ക്കുമൊപ്പമാണ് മായ വാടകയ്‌ക്ക് താമസിച്ചിരുന്നത്. മായയ്‌ക്ക് മാനസിക പ്രശ്‌നങ്ങള്‍ ഉണ്ടായിരുന്നതായി വീട്ടുകാര്‍ പറയുന്നു. സംഭവത്തില്‍ ദുരൂഹതയില്ലെന്നാണ് പൊലീസിന്‌റെ പ്രാഥമിക നിഗമനം.
