പ്രവേശന വിജ്ഞാപനം, അഡ്മിഷന് ബുള്ളറ്റിന് www.iipsindia.ac.in ല്
ഒാണ്ലൈനില് ജൂണ് 25 വരെ അപേക്ഷിക്കാം
എംഎ, എംഎസ്സി കോഴ്സുകള്ക്ക് പ്രതിമാസ ഫെലോഷിപ്പ് 5000 രൂപ വീതം
കേന്ദ്രസര്ക്കാര് ആഭിമുഖ്യത്തിലുള്ള സ്വയംഭരണ സ്ഥാപനമായ ഇന്റര്നാഷണല് ഇന്സ്റ്റിറ്റിയൂട്ട് ഫോര് പോപ്പുലേഷന് സയന്സസ് (കല്പിത സര്വ്വകലാശാല) മുംബൈ 2025-26 വര്ഷത്തെ പിജി, പിഎച്ച്ഡി, പോസ്റ്റ് ഡോക്ടറല് പ്രോഗ്രാമുകളില് പ്രവേശനത്തിന് അപേക്ഷകള് ക്ഷണിച്ചു. പ്രവേശന വിജ്ഞാപനം, അഡ്മിഷന് ബുള്ളറ്റിന് എന്നിവ www.iipsindia.ac.in ല് ലഭിക്കും. ഓണ്ലൈനില് ജൂണ് 25 വരെ അപേക്ഷിക്കാം.
കോഴ്സുകള്: എംഎ/എംഎസ്സി- പോപ്പുലേഷന് സ്റ്റഡീസ്, 2 വര്ഷം, സീറ്റുകള്-35, യോഗ്യത- 55 ശതമാനം മാര്ക്കില് കുറയാതെ ഏതെങ്കിലും വിഷയത്തില് ബിരുദം. പ്രായപരിധി 25 വയസ്. പ്രതിമാസ ഫെലോഷിപ്പ് 5000 രൂപ. സിയുഇടി-പിജി 2025 അടിസ്ഥാനത്തിലാണ് സെലക്ഷന്. വാര്ഷിക ട്യൂഷന് ഫീസ് 8800 രൂപ.
എംഎസ്സി- ബയോസ്റ്റാറ്റിസ്റ്റിക്സ്, 2 വര്ഷം, സീറ്റുകള് 35, യോഗ്യത- ബിഎസ്സി (മാത്തമാറ്റിക്സ്/സ്റ്റാറ്റിസ്റ്റിക്സ്/ഹെല്ത്ത് സ്റ്റാറ്റിസ്റ്റിക്സ്/ബയോസ്റ്റാറ്റിസ്റ്റിക്സ് രണ്ട് പേപ്പറുകള് പഠിച്ചിരിക്കണം) 55 ശതമാനം മാര്ക്കില് കുറയാതെ വിജയിച്ചിരിക്കണം. പ്രായപരിധി 25 വയസ്. പ്രതിമാസ ഫെലോഷിപ്പ് 5000 രൂപ. വാര്ഷിക ട്യൂഷന് ഫീസ് 8800 രൂപ. സിയുഇടി പിജി 2025 അടിസ്ഥാനത്തിലാണ് പ്രവേശനം.
എംഎസ്സി- സര്വ്വേ റിസര്ച്ച് ആന്റ് ഡാറ്റാ അനലിറ്റിക്സ്, 2 വര്ഷം, സീറ്റുകള് 40, യോഗ്യത തൊട്ടുമുകളിലേതു പോലെതന്നെ. പ്രതിമാസ ഫെലോഷിപ്പ് 5000 രൂപ. വാര്ഷിക ട്യൂഷന് ഫീസ് 8800 രൂപ.
പിഎച്ച്ഡി- പോപ്പുലേഷന് സ്റ്റഡീസ്.
പോസ്റ്റ് ഡോക്ടറല് ഫെലോഷിപ്പ് പ്രോഗ്രാം. പ്രതിമാസ ഫെലോഷിപ്പ് 50,000 രൂപ + എച്ച്ആര്എ. പ്രവേശന യോഗ്യതയും സെലക്ഷന് നടപടികളും അഡ്മിഷന് ബുള്ളറ്റിനിലുണ്ട്. തെരഞ്ഞെടുക്കപ്പെടുന്നവര്ക്ക് കാമ്പസില് ഹോസ്റ്റല് സൗകര്യം ലഭിക്കും. സംവരണ വിഭാഗങ്ങളില്പ്പെടുന്നവര്ക്ക് യോഗ്യതാപരീക്ഷയില് 5% മാര്ക്കിളവുണ്ട്. അവസാനവര്ഷ പരീക്ഷയെഴുതുന്നവര്ക്കും ഫലം കാത്തിരിക്കുന്നവര്ക്കും അപേക്ഷിക്കാം. അപേക്ഷാ സമര്പ്പണത്തിനുള്ള നിര്ദ്ദേശങ്ങള്, സംവരണം അടക്കം കൂടുതല് വിവരങ്ങള് വെബ്സൈറ്റിലുണ്ട്.
