തിരുവനന്തപുരം: എകെജി സെന്റര്‍ ആക്രമണ കേസ് പ്രതി സുഹൈല്‍ ഷാജഹാന് വിദേശ യാത്രയ്‌ക്ക് അനുമതിതേടി നല്‍കിയ ഹര്‍ജി തിരുവനന്തപുരം മൂന്നാം മജിസ്‌ട്രേറ്റ് കോടതി തള്ളി. വിദേശത്തേക്കു പോകാന്‍ അനുമതി നല്‍കണമെന്നും പാസ്‌പോര്‍ട്ട് വിട്ടു നല്‍കണമെന്നും ആവശ്യപ്പെട്ടാണ് സുഹൈല്‍ കോടതിയിലെത്തിയത്.
ബിസിനസ് നോക്കാനും ബന്ധുക്കളെ കാണാനും വിദേശയാത്രയ്ക്ക് അനുമതി വേണമെന്നായിരുന്നു പ്രതിയുടെ ആവശ്യം. എന്നാല്‍ പ്രോസിക്യൂഷന്‍ ഈ ആവശ്യത്തെ ശക്തമായി എതിര്‍ത്തു.
ഈ കേസിലെ മറ്റു പ്രതികളെ കൊണ്ടു കുറ്റം ചെയ്യിച്ചത് സുഹൈല്‍ ഷാജഹാന് ആണെന്ന് പ്രോസിക്യൂഷന്‍ പറഞ്ഞു.സംഭവത്തിനു ശേഷം വിദേശത്തു കടന്ന പ്രതി പിന്നീട് ദല്‍ഹി വഴി നേപ്പാളില്‍ പോകാന്‍ ശ്രമിക്കുന്നതിടയില്‍ പിടികൂടിയതാണെന്നും പ്രോസിക്യൂഷന്‍ ചൂണ്ടിക്കാട്ടി.
