ന്യൂഡല്‍ഹി: തത്കാല്‍ ട്രെയിന്‍ ടിക്കറ്റ് ബുക്കിങ്ങിന് ആധാര്‍ നിര്‍ബന്ധമാക്കാന്‍ റെയില്‍വേ. വെബ്‌സൈറ്റ് വഴിയും മൊബൈല്‍ ആപ്പ് വഴിയും ടിക്കറ്റ് എടുക്കാന്‍ അക്കൗണ്ടുമായി ബന്ധിപ്പിച്ച ആധാര്‍ നമ്പര്‍ പരിശോധിക്കും. കൗണ്ടറുകളില്‍ നിന്ന് ടിക്കറ്റ് എടുക്കാനും ഭാവിയില്‍ ആധാര്‍ നല്‍കേണ്ടിവരും. യഥാര്‍ത്ഥ ഉപഭോക്താക്കള്‍ക്ക് യഥാസമയം തത്കാല്‍ ടിക്കറ്റ് ഉറപ്പാക്കാനാണ് നടപടിയെന്ന് റെയില്‍വേ മന്ത്രി അശ്വിനി വൈഷ്ണവ് അറിയിച്ചു
ആര്‍ട്ടിഫിഷല്‍ ഇന്‌റലിജന്‍സിന്‌റെ സഹായത്തോടെ പലരും അതിവേഗം വ്യക്തിഗത ഐഡികള്‍ ഉപയോഗിച്ച് ബുക്കിംഗ് നടത്തുന്നതായി പരാതികള്‍ ഉയര്‍ന്ന സാഹചര്യത്തിലാണ് നിയന്ത്രണം. തത്ക്കാല്‍ ടിക്കറ്റ് ബുക്കിംഗിന്‌റെ ആദ്യ 10 മിനിറ്റില്‍ ആധാറുമായി ബന്ധിപ്പിച്ച് അക്കൗണ്ടുകള്‍ക്ക് മുന്‍ഗണന നല്‍കുന്ന തരത്തില്‍ ക്രമീകരണം ഏര്‍പ്പെടുത്താനാണ് സെന്റര്‍ ഫോര്‍ റെയില്‍വേ ഇന്‍ഫര്‍മേഷന്‍ സിസ്റ്റത്തിന് റെയില്‍വേ മന്ത്രാലയം നിര്‍ദ്ദേശം നല്‍കിയിരിക്കുന്നത്
