ന്യൂദല്ഹി: രാജ്യസുരക്ഷയുടെ കാര്യത്തില് ഭാരതത്തിലെ 88 ശതമാനത്തിലധികം പേരും പ്രധാനമന്ത്രി നരേന്ദ്ര മോദിയില് വിശ്വാസമര്പ്പിക്കുന്നുവെന്ന് ന്യൂസ് 18 സര്വെ. ഓപ്പറേഷന് സിന്ദൂറിന്റെ പശ്ചാത്തലത്തിലാണ് സര്വേ നടത്തിയത്. 14,671 പേരില് നിന്ന് വിവരങ്ങള് ശേഖരിച്ചു. രാജ്യത്തിന്റെ സുരക്ഷയില് പ്രധാനമന്ത്രി സ്വീകരിച്ച നിലപാടിനോട് യോജിക്കുന്നുണ്ടോ എന്നതായിരുന്നു പ്രധാന ചോദ്യം. 88.06 ശതമാനം പേരും പ്രധാനമന്ത്രിയോടൊപ്പം എന്നാണ് പ്രതികരിച്ചത്.
മെയ് ആറ്, ഏഴ് തീയതികളില് ന്യൂസ് 18 വെബ്സൈറ്റില് അഡ്വാന്സ്ഡ് പോളിങ് സോഫ്റ്റ് വെയര് ഉപയോഗിച്ചാണ് സര്വെ സംഘടിപ്പിച്ചത്. കൂടാതെ സമൂഹമാധ്യമങ്ങളിലൂടെയും ടെലിവിഷന് ചാനലുകളിലൂടെയും ക്യുആര് കോഡുകളും സര്വെയ്ക്കായി ഉപയോഗിച്ചു.
