ശ്രീനഗർ ; ബക്രീദ് ദിനത്തിലെ മൃഗബലിയുടെ ചിത്രങ്ങൾ സോഷ്യൽ മീഡിയയിൽ പോസ്റ്റ് ചെയ്യരുതെന്ന് മുന്നറിയിപ്പ് നൽകി ബിജെപി നേതാവും ജമ്മു കശ്മീർ വഖഫ് ബോർഡ് ചെയർപേഴ്‌സണുമായ ദരാക്ഷൻ ആൻഡ്രാബി . ബക്രീദിനായി സുരക്ഷാ സേനയുടെയും സിവിൽ ഭരണകൂടത്തിന്റെയും പിന്തുണയോടെ സമഗ്രമായ ഒരുക്കങ്ങൾ നടക്കുന്നുണ്ടെന്നും ദരാക്ഷൻ ആൻഡ്രാബി പറഞ്ഞു.
“സിവിൽ ഭരണകൂടത്തിലെ എല്ലാ ഉദ്യോഗസ്ഥരും ഇവിടെ സുരക്ഷയ്‌ക്കുണ്ട്. ഈദ്-അൽ-അദ്ഹയ്‌ക്കുള്ള ഒരുക്കങ്ങൾ പൂർത്തിയായി . സുരക്ഷയും സിവിൽ ഭരണകൂടവും ഇല്ലാത്ത സാഹചര്യത്തിൽ അത് സാധ്യമല്ല. യോഗത്തിൽ ഞങ്ങൾ നിരവധി വിഷയങ്ങൾ ചർച്ച ചെയ്തു. ചിലർ ആചാരങ്ങളുടെ ഫോട്ടോകൾ സോഷ്യൽ മീഡിയയിൽ പോസ്റ്റ് ചെയ്യുന്നു, ഇത് സമൂഹത്തിൽ ഭിന്നത സൃഷ്ടിക്കുന്നു. ഇത് സംഭവിക്കരുത്,” ദരാക്ഷൻ ആൻഡ്രാബി പറഞ്ഞു.
ബലിയർപ്പണ ചടങ്ങിന്റെ വീഡിയോകളോ ഫോട്ടോകളോ എടുക്കുകയോ സോഷ്യൽ മീഡിയയിൽ അപ്‌ലോഡ് ചെയ്യുകയോ ചെയ്യരുതെന്ന് ഈദ്ഗാഹ് ഇമാം മൗലാന ഖാലിദ് റഷീദ് ഫറംഗി മഹാലിയും പറഞ്ഞു.
