ന്യൂദല്ഹി: രാജ്യത്ത് കൊവിഡ് കേസുകള് 3000 കടന്നു.നിലവില് ഇന്ത്യയില് 3395 ആക്ടിവ് കോവിഡ് കേസുകളാണ് ഉളളതെന്നാണ് കേന്ദ്ര ആരോഗ്യ മന്ത്രാലയത്തിന്റെ കണക്ക്.
ഏറ്റവും കൂടൂതല് രോഗികള് കേരളത്തിലാണ്.1336 ആക്ടിവ് കൊവിഡ് കേസുകളാണ് കേരളത്തില്. കഴിഞ്ഞ 24 മണിക്കൂറിനിടെ ഒരു കൊവിഡ് മരണവും റിപ്പോര്ട്ട് ചെയ്തു. മഹാരാഷ്ട്ര,ദല്ഹി,ഗുജറാത്ത്, കര്ണാടക എന്നീ സംസ്ഥാനങ്ങളിലും കൊവിഡ് രോഗികളുടെ എണ്ണത്തില് വര്ദ്ധനവുണ്ട്.
രാജ്യത്ത് കഴിഞ്ഞ 24 മണിക്കൂറിനുള്ളില് നാല് കൊവിഡ് മരണങ്ങളാണ് റിപ്പോര്ട്ട് ചെയ്തത്. കൊവിഡ് കേസുകള് ഉയരുന്ന സാഹചര്യത്തില് സംസ്ഥാനങ്ങളിലെ ആശുപത്രികളില് വേണ്ട സജ്ജീകരണങ്ങള് ഒരുക്കാന് കേന്ദ്രം നിര്ദ്ദേശം നല്കി. ആവശ്യമായ കിടക്കകളും മരുന്നുകളും വാക്സിനുകളും ഓക്സിജനും സജ്ജമാക്കണമെന്നാണ് നിര്ദ്ദേശം. മറ്റു രോഗങ്ങള് ഉള്ളവര് പൊതുഇടങ്ങളില് മാസ്ക് ധരിക്കണം.
