തിരുവനന്തപുരം: കേരള സംസ്ഥാന ഭാഗ്യക്കുറി വകുപ്പിന്റെ ഈ വർഷത്തെ വിഷു ബമ്പറിന്റെ ഫലം പ്രഖ്യാപിച്ചു. ഒന്നാം സമ്മാനമായ 12 കോടി കോഴിക്കോട് വിറ്റ VD204266 നമ്പർ ടിക്കറ്റാണ്. ഒരു കോടി രൂപയാണ് രണ്ടാം സമ്മാനം. 6 പരമ്പരകൾക്ക് ഒരു കോടി വീതമാകും ലഭിക്കുക.
പാലക്കാട് ജില്ലയിലെ ജസ്വന്ത് ഏജന്‍സി കോഴിക്കോട്ട് വിറ്റ ടിക്കറ്റിനാണ് ഒന്നാം സമ്മാനം ലഭിച്ചിരിക്കുന്നത്. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റായ https://keralalotteries.com ൽ ഫലം ലഭ്യമാകും. തിരുവനന്തപുരം ബേക്കറി ജംങ്ഷനിലുള്ള ഗോർഖി ഭവനിൽ വച്ചായിരുന്നു നറുക്കെടുപ്പ്.
രണ്ടാം സമ്മാനം നേടിയ വിജയ നമ്പറുകൾ (1 കോടി): VA 699731, VB 207068, VC 263289, VD 277650, VE 758876, VG 203046
മൂന്നാം സമ്മാനം നേടിയ വിജയ നമ്പറുകൾ (10 ലക്ഷം) : VA 223942, VB 207548, VC 518987, VD 682300, VE 825451, VG 273186
നാലാം സമ്മാനം (അഞ്ച് ലക്ഷം): VA 178873, VB 838177, VC 595067, VD 795879, VE 395927, VG 436026.
10 ലക്ഷം വീതം 6 പരമ്പരകൾക്ക് ലഭിക്കുന്നതാണ് മൂന്നാം സമ്മാനം. 5 ലക്ഷമാണ് നാലാം സമ്മാനം. 5 ലക്ഷം വീതമാണ് ഓരോ പരമ്പരകൾക്കും ലഭിക്കുക. VA, VB, VC, VD, VE, VG എന്നിങ്ങനെ 6 പരമ്പരകളിലായുള്ള ടിക്കറ്റിന് 300 രൂപയാണ് വില. ഇത്തവണയും പാലക്കാടുതന്നെയാണ് വില്പനയിൽ ഒന്നാം സ്ഥാനത്തെത്തിയത്. തൊട്ടുപിന്നാലെ രണ്ടാം സ്ഥാനത്ത് തിരുവനന്തപുരവും മൂന്നാം സ്ഥാനത്ത് തൃശ്ശൂർ ജില്ലയുമാണ്.
300 രൂപ വില്പന വിലയുള്ള വിഷു ബമ്പർ ടിക്കറ്റുകൾ മൊത്തം ആറു പരമ്പരകളിലായാണ് വിപണിയിൽ എത്തിയത്. 45 ലക്ഷം ടിക്കറ്റുകളാണ് പ്രിന്‍റ് ചെയ്തത്. അതില്‍ 43 ലക്ഷത്തോളം ടിക്കറ്റുകള്‍ വിറ്റുപോയി.
