പാലക്കാട്:അട്ടപ്പാടിയില് ആദിവാസി യുവാവിനെ കെട്ടിയിട്ട് മര്ദിച്ചെന്ന് പരാതി. യുവാവിനെ കെട്ടിയിട്ട് മര്ദിക്കുന്നതിന്റെ ദൃശ്യങ്ങള് പുറത്ത് വന്നു. ചിറ്റൂര് സ്വദേശി സിജു വേണു (19)വിനാണ് മര്ദ്ദനമേറ്റത്. ഇക്കഴിഞ്ഞ 24നായിരുന്നു സംഭവം.
മദ്യപിച്ച് വാഹനം തകര്ത്തെന്ന് ആരോപിച്ചായിരുന്നു മര്ദ്ദനം. മദ്യപിച്ച് റോഡില് നില്ക്കുകയായിരുന്ന യുവാവ് ഇതുവഴി വന്ന വാഹനം തടഞ്ഞെന്നും പിന്നാലെ വാഹനത്തിന്റെ ചില്ല് കല്ലെറിഞ്ഞ് തകര്ത്തെന്നും തുടര്ന്നാണ് മര്ദനമെന്നുമാണ് പൊലീസ് ഭാഷ്യം.
. കണ്ണിന് സമീപത്തും ചെവിക്ക് പിന്നിലും മുതുകിലും കൈകളിലുമാണ് പരിക്ക്. ഷോളയൂര് സ്വദേശി ജോയി എന്ന ആളുടെ ഉടമസ്ഥതയിലുള്ളതാണ് വാഹനം. വാഹന ഉടമയുടെ പരാതിയില് അഗളി പൊലീസാണ് യുവാവിനെതിരെ കേസെടുത്തത്. എന്നാല് യുവാവിന്റെ പരാതിയില് പൊലീസ് കേസെടുത്തിട്ടില്ല.
