തിരുവനന്തപുരം: ഹോമിയോപ്പതി രജിസ്ട്രേഡ് മെഡിക്കല്‍ പ്രാക്ടീഷണര്‍മാര്‍ക്ക് ചര്‍മ്മരോഗങ്ങള്‍, സൗന്ദര്യവര്‍ദ്ധക ചികിത്സ തുടങ്ങി എല്ലാ രോഗങ്ങള്‍ക്കും ചികിത്സിക്കാനുള്ള അധികാരമുണ്ടെന്ന് കേരള സ്റ്റേറ്റ് മെഡിക്കല്‍ കൗണ്‍സില്‍ അറിയിച്ചു. അത്തരത്തില്‍ ഏതെങ്കിലും രോഗങ്ങള്‍ക്ക് ഹോമിയോപ്പതി ചികിത്സ നല്‍കരുത് എന്ന പേരില്‍ ചില സംഘടനകളും വ്യക്തികളും വ്യാജപ്രചരണം നടത്തുന്നത് ജനങ്ങളെ തെറ്റിദ്ധരിപ്പിക്കുന്നതും നിയമവിരുദ്ധവുമാണ്. ചില ആശുപത്രികളുടെയും ഡോക്ടര്‍മാരുടെയും പ്രിസ്‌ക്രിപ്ഷനിലും ഡിസ്ചാര്‍ജ് സമ്മറിയിലും മറ്റും ഹോമിയോപ്പതിക്ക് എതിരെയുള്ള പ്രസ്താവനകള്‍ ഉള്‍പ്പെടുത്തുന്നതും നിയമവിരുദ്ധമാണ്.
രജിസ്ട്രേഡ് മെഡിക്കല്‍ പ്രാക്ടീഷണര്‍മാരെ മാത്രം ചികിത്സക്കായി സമീപിക്കണമെന്നും മെഡിക്കല്‍ കൗണ്‍സില്‍ രജിസ്ട്രേഷന്‍ ഇല്ലാത്ത വ്യാജ ചികിത്സകരില്‍ നിന്നും ചികിത്സ നേടുന്നത് ഒഴിവാക്കണമെന്നും അത്തരക്കാരെ കുറിച്ച് വിവരം ലഭിച്ചാലും ഹോമിയോപ്പതിക്കെതിരായ വ്യാജപ്രചാരണങ്ങള്‍ ശ്രദ്ധയില്‍പ്പെട്ടാലും മെഡിക്കല്‍ കൗണ്‍സിലിനെ അറിയിക്കണമെന്നും കേരള സ്റ്റേറ്റ് മെഡിക്കല്‍ കൗണ്‍സില്‍ ഹോമിയോപ്പതി വിഭാഗം അറിയിച്ചു.
