ന്യൂദല്ഹി: ഒരുകാലത്ത് മുന്നിര വീഡിയോ കോളിംഗ് ആപ്പായിരുന്ന സ്കൈപ്പ് പൂട്ടിക്കെട്ടി. ഇപ്പൊഴും 36 ദശലക്ഷം ദൈനംദിന ഉപയോക്താക്കളുണ്ടെന്നാണ് മൈക്രോസോഫ്റ്റ് അവകാശപ്പെടുന്നത്. ഇന്റര്നെറ്റ് ആശയവിനിമയത്തിന്റെ തുടക്കക്കാരായ സ്കൈപ്പ് ലോകമെമ്പാടുമുള്ള ആളുകളെ പരസ്പരം ബന്ധിപ്പിക്കാന് വഹിച്ച പങ്ക് ചെറുതല്ല. മെയ് 5 ന് സ്കൈപ്പ് പ്രവര്ത്തനം നിര്ത്തി. സ്കൈപ്പ് ഫോര് ബിസിനസ് താല്ക്കാലികമായി തുടരും.
2011ലാണ് 8.5 ബില്യണ് ഡോളറിന് മൈക്രോസോഫ്റ്റ് സ്കൈപ്പ് ഏറ്റെടുത്തത്. മൈക്രോസോഫ്റ്റിനെ സംബന്ധിച്ചിടത്തോളം അത് ഏറ്റവും വലിയ ഏറ്റെടുക്കലുമായിരുന്നു. മെറ്റാ, ഗൂഗിള്, ആപ്പിള് തുടങ്ങിയ ടെക് ഭീമന്മാരുടെ ആധിപത്യത്തിന് മുമ്പായിരുന്നു സ്കൈപ്പിനെ്റെ സുവര്ണ്ണകാലം. 2010-കളുടെ മധ്യത്തില് 300 ദശലക്ഷത്തിലധികം ഉപയോക്താക്കള് സ്കൈപ്പിനുണ്ടായിരുന്നു. എന്നാല് കോവിഡ് കാലത്ത് ഉപയോക്താക്കള് കൂടുതലായി സൂ ആപ്പിലേക്ക് മാറിയതാണ് സ്കൈപ്പിനെ മുഖ്യമായും തളര്ത്തിയത്.
