പാലക്കാട് : പാലക്കാട് കൃഷിക്കളത്തിനോട് ചേര്‍ന്ന ഗേറ്റും മതിലും തകര്‍ന്ന് വീണ് അഞ്ച് വയസുകാരന്‍ മരിച്ചു.എലപ്പുള്ളി നെയ്തലയില്‍ ആണ് അപകടം.
നെയ്തല സ്വദേശി കൃഷ്ണകുമാറിന്റെ മകന്‍ അഭിനിത്താണ് മരിച്ചത്.കുട്ടികള്‍ പഴയ ഗേറ്റില്‍ തൂങ്ങി കളിക്കവെ മതില്‍ കുട്ടിയുടെ ശരീരത്തിലേക്ക് പതിക്കുകയായിരുന്നു.
പാലക്കാട് ജില്ലാ ആശുപത്രിയില്‍ എത്തിച്ചെങ്കിലും കുട്ടിയുടെ ജീവന്‍ രക്ഷിക്കാനായില്ല. പൊലീസ് മേല്‍ നടപടികള്‍ സ്വീകരിച്ചു.
