പിണറായി വിജയന്റെ രണ്ടാം എൽ.ഡി.എഫ് സർക്കാരിന്റെ നാലാം വാർഷികത്തോട് അനുബന്ധിച്ച് നടക്കുന്ന പ്രദർശന വിപണനമേള “എന്റെ കേരളം” പരിപാടിക്ക് കോട്ടയത്ത് വൻ ജനപങ്കാളിത്തം. ഈ മാസം 24ന് ആരംഭിച്ച പ്രദർശന വിപണന മേള 30ന് സമാപിക്കും. കോട്ടയം നാഗമ്പടം മൈതാനിയിലാണ് പരിപാടി നടക്കുന്നത്.
കേരള സർക്കാരിന്റെ വിവിധ പദ്ധതികൾ, സേവനങ്ങൾ എന്നിവ അടുത്തറിയാനും ജനങ്ങൾക്ക് പ്രയോജനപ്പെടുത്താനും കഴിയുന്നതാണ് മേള. ആരോഗ്യം, വൈദ്യുതി, ജലവിഭവം തുടങ്ങിയ വിവിധ സർക്കാർ വകുപ്പുകളുടെ പ്രവർത്തനം വിശദമാക്കുന്ന സ്റ്റാളുകളും മേളയുടെ ഭാഗമാണ്. ടൂറിസം, വിപണന സ്റ്റാളുകൾ, കുടുംബശ്രീ ആഹാരശാല എന്നിവയും പരിപാടിയുടെ ഭാഗമാണ്.
മന്ത്രി വിഎൻ വാസവനാണ് മേള ഉദ്‌ഘാടനം ചെയ്തത്. മേളയിൽ സർക്കാർ വകുപ്പുകളുടെയും പൊതുമേഖലാ-സ്വയംഭരണ സ്ഥാപനങ്ങളുടെയും 186 സ്‌റ്റാളുകളാണുള്ളത്. 45,000 ചതുരശ്രയടി എയർകണ്ടീഷൻഡ് പവലിയൻ ഉൾപ്പെടെ മൊത്തം 69,000 ചതുരശ്രയടിയിലാണ് പ്രദർശന വിപണനമേള. ദിവസവും രാവിലെ 9.30 മുതൽ വൈകിട്ട് 9.30 വരെ നടക്കുന്ന പരിപാടിയിൽ പൊതുജനങ്ങൾക്ക് പ്രവേശനം സൗജന്യമാണ്.
പ്രതികരിക്കാൻ ഇവിടെ എഴുതുക: