ഇസ്ലാമബാദ്: ഭാരത പൗരന് കുല്ഭൂഷണ് ജാദവിന് അപ്പീല് നല്കാനുള്ള അവകാശം പാകിസ്ഥാന് നിഷേധിച്ചതായി വെളിപ്പെടുത്തല്. അന്താരാഷ്ട്ര നീതിന്യായ കോടതിയുടെ (ഐസിജെ) ഉത്തരവ് പ്രകാരം കുല്ഭൂഷണിന് അപ്പീല് നല്കാനുള്ള അനുമതി പാകിസ്ഥാന് നല്കേണ്ടതാണ്. എന്നാല് ഇത് കോണ്സുലാര് പ്രവേശനം മാത്രമെന്നാണ് ഐസിജെ ഉത്തരവില് പറയുന്നത്.
ഇതില് പഴുതുകളുണ്ട് അതിനാല് ഐസിജെ ഉത്തരവ് ഉന്നത കോടതിയില് അപ്പീല് നല്കാനുള്ള അവകാശമായി മാറില്ലെന്ന് പറഞ്ഞാണ് പാക് അനുമതി നിഷേധിച്ചത്. പാക് പ്രാദേശിക മാധ്യമമായ ഡോണാണ് ഇതുസംബന്ധിച്ച റിപ്പോര്ട്ട് പുറത്തുവിട്ടത്.
2019ല് അന്താരാഷ്ട്ര നീതിന്യായ കോടതി കുല്ഭൂഷണ് ജാദവിന് കോണ്സുലാര് ആക്സസ് (വിദേശരാജ്യത്ത് അറസ്റ്റിലാകുകയോ തടവിലാക്കപ്പെടുകയോ ചെയ്യപ്പെടുന്ന ആള്ക്ക് തന്റെ രാജ്യത്തിന്റെ കോണ്സുലേറ്റുമായി ആശയവിനിമയം നടത്താനുള്ള അവകാശം) നല്കണമെന്ന് അനുകൂല വിധി പ്രഖ്യാപിച്ചിരുന്നു. എന്നാല് ഈ വിധി ശിക്ഷ നടപ്പാക്കുന്നത് സംബന്ധിച്ച് അപ്പീല് നല്കാനുള്ള അവകാശം നല്കുന്നതല്ലെന്നാണ് പാക് സ്വീകരിച്ച നിലപാട്.
പാകിസ്ഥാന് തെഹ്രീക്- ഇ- ഇന്സാഫ് (പിടിഐ) നേതാവും മുന് പ്രധാനമന്ത്രിയുമായ ഇമ്രാന് ഖാന്റെ അറസ്റ്റിനെത്തുടര്ന്ന് 2023 മെയ് 9ന് നടന്ന കലാപത്തില് പങ്കുണ്ടെന്ന് ആരോപിച്ച് ശിക്ഷിക്കപ്പെട്ട പാക് പൗരന്മാര് ഉള്പ്പെട്ട കേസ് പരിഗണിക്കവേ സുപ്രീംകോടതി ഭരണഘടനാ ബെഞ്ചിന് മുമ്പാകെ പാകിസ്ഥാന് പ്രതിരോധ മന്ത്രാലയ അഭിഭാഷകനാണ് ഇക്കാര്യം അറിയിച്ചത്.
അപ്പീല് നല്കാനുള്ള അവകാശം ജാദവിന് നല്കിയിട്ടുണ്ടോ, സൈനിക കോടതികളില് ശിക്ഷിക്കപ്പെട്ട പാകിസ്ഥാന് പൗരന്മാര്ക്ക് അത് എന്തുകൊണ്ടത് നല്കിയില്ല എന്നും പാക് സുപ്രീംകോടതി ആരാഞ്ഞു. എന്നാല് സൈനിക കോടതി ഉത്തരവുകളില് പുനഃപരിശോധന നടത്തുന്നതിനായി പാകിസ്ഥാന് നിയമം ഭേദഗതി ചെയ്തതായി അഭിഭാഷകന് അറിയിക്കുകയായിരുന്നു.
അതായത് അറസ്റ്റ് ചെയ്യപ്പെടുന്നവര്ക്ക് കോണ്സുലാര് ആക്സസ് അനുവദിക്കാനും സന്ദര്ശിക്കാനും ആശയവിനിമയം നടത്താനും രാജ്യത്തെ കോണ്സുലാര് ഓഫീസര്മാര്ക്കോ പൗരന്മാര്ക്കോ അനുമതി നല്കുന്ന വിയന്ന കണ്വെന്ഷന്റെ കോണ്സുലാര് റിലേഷന്സ് ആര്ട്ടിക്കിള് 36ന്റെ ലംഘനമാണ് പാകിസ്ഥാന് നടത്തിയതെന്നും വ്യക്തമായിട്ടുണ്ട്.
മുന് നാവിക സേനാ ഉദ്യോഗസ്ഥനായിരുന്ന കുല്ഭൂഷണിനെ ചാരപ്രവൃത്തി ആരോപിച്ചാണ് പാകിസ്ഥാന് ജയിലില് പാര്പ്പിച്ചിരിക്കുന്നത്. വ്യാപാരത്തിന് ഇറാനില് പോയ കുല്ഭൂഷണിനെ പാകിസ്ഥാന് തട്ടിക്കൊണ്ടുപോയതെന്നാണ് ഭാരതം ആരോപിക്കുന്നത്.
2017 ല് പാകിസ്ഥാന് സൈനിക കോടതി വധശിക്ഷയ്ക്ക് വിധിച്ചതിനെതിരെ ഭാരതം ഐസിജെയില് അപ്പീല് നല്കി അത് റദ്ദാക്കി. കുല്ഭൂഷണിന് ന്യായമായ വിചാരണ നല്കാനും ഐസിജെ ആവശ്യപ്പെട്ടിരുന്നതാണ്.
