കൊല്ലം: കരുനാഗപ്പള്ളി ആദിനാട് വടക്ക് മക്കളെ തീകൊളുത്തി ആത്മഹത്യയ്ക്ക് ശ്രമിച്ച അമ്മ മരിച്ചു. കരുനാഗപ്പള്ളി സ്വദേശിനി താരയാണ് മരിച്ചത്. മക്കളായ അനാമികയും ആത്മികയും ഗുരുതരാവസ്ഥയില് ചികിത്സയിലാണ്.
ആറും ഒന്നരയും വയസുള്ള പെണ്മക്കളെ ഒപ്പം നിര്ത്തി മണ്ണെണ്ണ ഒഴിച്ച ശേഷം തീകൊളുത്തുകയായിരുന്നു യുവതി. ഗുരുതര പൊള്ളലേറ്റ താരയെയും മക്കളെയും ആലപ്പുഴ വണ്ടാനം മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയായിരുന്നു.
കുടുംബ പ്രശ്നമാണ് ആത്മഹത്യക്ക് കാരണമെന്നാണ് പ്രാഥമിക വിവരം. പ്രവാസിയായ ഭര്ത്താവ് വിദേശത്ത് നിന്ന് ഇന്ന് മടങ്ങി എത്താനിരിക്കെയാണ് താര മക്കള്ക്കൊപ്പം ആത്മഹത്യയ്ക്ക് ശ്രമിച്ചത്. ഭര്തൃവീട്ടുകാരുമായി സ്വത്ത് വിഷയത്തില് ചില പ്രശ്നങ്ങള് ഉണ്ടായിരുന്നതായി പൊലീസ് അറിയിച്ചു. മൃതദേഹം വണ്ടാനം മെഡിക്കല് കോളേജില്.
