മധുര: ഭരണം അവശേഷിക്കുന്ന ഏക സംസ്ഥാനത്തെ സര്‍ക്കാരിന്റെ ക്ഷേമപദ്ധതികളെയും മുഖ്യമന്ത്രിയുടെ നേതൃമികവിനെയും സിപിഎം ദേശീയ നേതൃത്വം പുകഴ്‌ത്തുന്നില്ലെന്ന വിമര്‍ശനമുയര്‍ത്തിയ കേരളത്തില്‍ നിന്നുള്ള സിപിഎം നേതാക്കള്‍ക്ക് മുഖ്യമന്ത്രിക്കും മകള്‍ക്കുമെതിരായി ഉയര്‍ന്ന അഴിമതിക്കേസില്‍ മറുപടിയില്ല. മധുരയില്‍ പാര്‍ട്ടി കോണ്‍ഗ്രസ് നടക്കുന്നതിനിടെ ഉയര്‍ന്നുവന്ന അഴിമതിക്കേസ് പാര്‍ട്ടിയെ പ്രതിരോധത്തിലാക്കിയിട്ടുണ്ട്.
സിഎംആര്‍എല്‍ അഴിമതിക്കേസില്‍ മുഖ്യമന്ത്രിക്കും മകള്‍ വീണ വിജയനും പിന്തുണ നല്‍കുന്നതില്‍ പാര്‍ട്ടിയില്‍ ഭിന്നതയും ശക്തമായിട്ടുണ്ട്. കേസിനെ എങ്ങനെ നേരിടണമെന്നതിലാണ് നേതാക്കള്‍ക്കിടയില്‍ അഭിപ്രായ വത്യാസം. കേസിനെ നിയമപരമായി നേരിടണമെന്ന നിലപാടിലാണ് ബംഗാള്‍ ഘടകം നേതാക്കള്‍. എന്നാല്‍ കേസിനെയും പ്രതിപക്ഷ വിമര്‍ശനങ്ങളെയും രാഷ്‌ട്രീയമായി നേരിടണമെന്ന് കേരളാ ഘടകവും പ്രകാശ് കാരാട്ടും നിര്‍ദ്ദേശിക്കുന്നു. കേസില്‍ വീണാ വിജയന് എന്തെങ്കിലും വീഴ്ചയുണ്ടായോ എന്ന തരത്തിലുള്ള ചര്‍ച്ചകള്‍ നേതാക്കളിലുണ്ട്. പാര്‍ട്ടി കോണ്‍ഗ്രസിലെ ചര്‍ച്ചകളില്‍ കേരളത്തിലെ സര്‍ക്കാരിനെതിരെ വിമര്‍ശനം ഉയര്‍ന്നുവരാതിരിക്കാനുള്ള പരമാവധി പരിശ്രമങ്ങള്‍ പ്രകാശ് കാരാട്ട് നടത്തുന്നുണ്ട്.
വീണ വിജയനെതിരായ അഴിമതിക്കേസ്; മുഖ്യമന്ത്രിയെ പിന്തുണയ്ക്കുന്നില് സിപിഎമ്മില്‍ ഭിന്നത
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.