ന്യൂദല്ഹി: സിനിമ മാത്രമാണ് കണ്ടതെന്നും രാഷ്ട്രീയം നോക്കിയല്ല പുരസ്കാരങ്ങള് പ്രഖ്യാപിച്ചതെന്നും ദേശീയ ചലച്ചിത്ര പുരസ്കാര നിര്ണയ സമിതി ചെയര്മാന് സംവിധായകന് ജയരാജ്. ഏറ്റവും മികച്ചതാണ് പുരസ്കാരത്തിനായി തെരഞ്ഞെടുത്തത്. കടുത്ത മത്സരമാണ് വിവിധ പുരസ്കാരങ്ങള്ക്കായി നടന്നതെന്നും പുരസ്കാര പ്രഖ്യാപനത്തിനുശേഷം അദ്ദേഹം മാധ്യമങ്ങളോട് പറഞ്ഞു.
മമ്മൂട്ടി മികച്ച പ്രകടനമാണ് കഴ്ചവെച്ചത്. നിത്യയൗവനമാണ് മമ്മൂട്ടിക്ക്. ഇനിയും മികച്ച വേഷങ്ങള് ചെയ്യാനാകും. വൈക്കം വിജയലക്ഷ്മിയുടേതും മികച്ച പ്രകടനമായിരുന്നു. ഇരുവരും ശക്തിയേറിയ മത്സരമാണ് കാഴ്ചവെച്ചത്. വൈക്കം വിജയലക്ഷ്മിയുടെ കാഴ്ച പരിമിതിയെക്കുറിച്ച് അറിഞ്ഞപ്പോള് ജൂറി അംഗങ്ങളില് പലരും അത്ഭുതപ്പെട്ടു. പരിഗണനക്ക് വന്ന മലയാള ചിത്രങ്ങളെല്ലാം മികച്ച മത്സരം കാഴ്ചവെച്ചതായും അദ്ദേഹം അഭിപ്രായപ്പെട്ടു. ജയരാജ് ചെയര്മാനായ 11 അംഗ സമിതിയാണ് ഫീച്ചര് ഫിലിം വിഭാഗത്തില് പുരസ്കാരങ്ങള് നിര്ണയിച്ചത്.
