തിരുവനന്തപുരം: ആഗോളതാപനത്തില്‍ നിന്ന് ഭൂമിയെ സംരക്ഷിക്കാനായി ഇന്ന് രാത്രി 8.30 മുതല്‍ 9.30 വരെ ഭൗമ മണിക്കൂറായി ആചരിക്കാന്‍ വേള്‍ഡ് വൈഡ് ഫണ്ട് ഫോര്‍ നേച്വര്‍ ആഹ്വാനം ചെയ്തു.
എല്ലാ വര്‍ഷവും മാര്‍ച്ചിലെ അവസാന ശനിയാണ് ഭൗമ മണിക്കൂര്‍ ആചരിക്കുന്നത്. ഈ വര്‍ഷം ലോകജലദിനം കൂടിയായ ഇന്നാണ് ഭൗമ മണിക്കൂര്‍ ആചരിക്കുന്നത്. ഇന്ന് രാത്രി ഒരു മണിക്കൂര്‍ അത്യാവശ്യമില്ലാത്ത വൈദ്യുതി വിളക്കുകളും മറ്റ് ഇലക്ട്രിക് ഉപകരണങ്ങളും ഓഫ് ചെയ്ത് ഭൂമിയെ സംരക്ഷിക്കാനുള്ള ആഗോള സംരംഭത്തില്‍ പങ്കാളികളാകണമെന്ന് കെഎസ്ഇബി അഭ്യര്‍ത്ഥിച്ചു.
