കോഴിക്കോട്: ചോദ്യപേപ്പര് ചോര്ച്ച കേസിലെ മുഖ്യപ്രതി മുഹമ്മദ് ഷുഹൈബിനെ കോടതി റിമാന്ഡ് ചെയ്തു. താമരശ്ശേരി ഒന്നാം ക്ലാസ് ജുഡീഷ്യല് മജിസ്ട്രേറ്റ് കോടതിയാണ് എംഎസ് സൊല്യൂഷന് സിഇഒ കൂടിയായ ഷുഹൈബിനെ റിമാന്ഡ് ചെയ്തത്.
ഇയാളെ കസ്റ്റഡിയില് ലഭിക്കാന് തിങ്കളാഴ്ച പൊലീസ് അപേക്ഷ നല്കും. ചോദ്യപേപ്പര് അധ്യാപകര്ക്ക് ചോര്ത്തി നല്കിയ മലപ്പുറത്തെ അണ് എയ്ഡഡ് സ്കൂളിലെ പ്യൂണായ അബ്ദുല് നാസറിന്റെ ജാമ്യാപേക്ഷ താമരശ്ശേരി കോടതി ഇന്ന് തള്ളി.
