ഒരു കൈയ്യിൽ ലാത്തി , നെഞ്ചോട് ചേർത്ത് കൈക്കുഞ്ഞ് : കടമ മറക്കാതെ ഡൽഹി റെയിൽ വേ സ്റ്റേഷനിൽ ആർ പി എഫ് ഉദ്യോഗസ്ഥ ; സല്യൂട്ട് നൽകി സോഷ്യൽ മീഡിയ

ന്യൂഡൽഹി ; ഡൽഹി റെയിൽവേ സ്റ്റേഷനിൽ തിക്കിലും തിരക്കിലും പെട്ട് 18 പേർ മരിച്ചതിന്റെ ആഘാതത്തിൽ നിന്ന് രാജ്യതലസ്ഥാനം വിമുക്തമായിട്ടില്ല . എന്നാൽ ഇപ്പോൾ അതേ സ്റ്റേഷനിൽ നിന്നുള്ള മറ്റൊരു വീഡിയോയാണ് എല്ലാവരുടെയും ഹൃദയത്തെ തൊട്ടുണർത്തുന്നത് .

ഒരു കൈയിൽ ലാത്തിയും മറ്റൊരു കൈയ്യിൽ മാറോട് ചേർത്തുറങ്ങുന്ന കുഞ്ഞിനെയും താങ്ങി സ്റ്റേഷനിൽ ജാഗരൂകയായി നിൽക്കുന്ന ആർ പി എഫ് ഉദ്യോഗസ്ഥയുടെ ദൃശ്യങ്ങളാണ് ഹൃദയങ്ങളെ കീഴടക്കുന്നത് .വനിതാ ആർ പി എഫുകാരി റീനയാണ് തന്റെ കൈക്കുഞ്ഞ് തരുണിനെയുമെടുത്ത് ലാത്തിയുമായി ഡൽഹി ആളുകള്‍ക്ക് നിര്‍ദേശം നല്‍കാനും അങ്ങോട്ടുമിങ്ങോട്ടും നടക്കുന്നത്.

ആർ പി എഫ് തന്നെയാണ് ഈ ദൃശ്യം പുറത്ത് വിട്ടത് .അവധിയിലായിരുന്ന റീനയോട് ഞായറാഴ്‌ച്ച പെട്ടെന്ന് ജോലിയ്‌ക്കെത്താൻ ആർ പി എഫ് അധികൃതർ നിർദേശിക്കുകയായിരുന്നു, മൂത്ത രണ്ട് കുട്ടികളെ ഡേകെയര്‍ സെന്ററിലാക്കിയാണ് ചെറിയെ കുട്ടിയെയുമെടുത്ത് ജോലിക്കെത്തിയത്.സി.ആര്‍.പി.എഫ് ജീവനക്കാരനാണ് റീനയുടെ ഭര്‍ത്താവ്. തനിക്ക് മറ്റുവഴിയില്ലായിരുന്നുവെന്നും സ്ഥിരമായി ഇങ്ങനെയാണ് ജോലിക്കെത്താറുള്ളതെന്നും ഇത് ദിനചര്യയുടെ ഭാഗമായെന്നും റീന പ്രതികരിച്ചു.

ശക്തിയുടെയും സ്നേഹത്തിന്റെയും സമർപ്പണത്തിന്റെയും അന്തസത്ത പകർന്നു നൽകുന്നതാണ് റീനയുടെ ചിത്രം . മുഖത്ത് സൗമ്യമായ പുഞ്ചിരിയുമായി, രാജ്യത്തോടുള്ള കടമയും കുഞ്ഞിനോടുളള വാത്സല്യവും പ്രകടിപ്പിച്ചാണ് റീന സ്റ്റേഷനിൽ നിൽക്കുന്നത് . നിരവധി പേരാണ് ഉദ്യോഗസ്ഥയ്‌ക്ക് സല്യൂട്ട് നൽകി രംഗത്തെത്തിയിരിക്കുന്നത് .

RPF Lady Constable goes viral after she is seen on duty with her young Baby.
Balancing between Motherhood and Duty at #Delhi Railway Station.#RPF #Women #viralreels #ViralVideo #RashmikaMandanna #KaranKundrra #HrithikRoshan #NitaAmbani #TejRan pic.twitter.com/2eM8lpZN4d

— ARMED FORCES (@ArmedForces_IND) February 17, 2025