ന്യൂദൽഹി : ആർഎസ്എസ് നൂറു ശതമാനം ദേശീയവാദികളാണെന്ന് ആത്മീയാചാര്യൻ ശ്രീ എം . ആർ എസ് എസുകാർക്ക് രാജ്യമാണ് എല്ലാം. രാഷ്‌ട്രീയമായും ശാരീരികമായും സാംസ്കാരികമായും ഭീഷണി നേരിടുകയാണെങ്കിൽ, മാത്രമാണ് അവർ എതിർക്കുന്നതെന്നും അദ്ദേഹം ദേശീയ മാദ്ധ്യമത്തിനു നൽകിയ അഭിമുഖത്തിൽ പറഞ്ഞു.
‘ മുസ്ലീം സംഘടനകൾക്ക് പൊതുവെ എന്നോട് വളരെ ദേഷ്യമാണ്. എങ്കിലും, ഞാൻ അവരെ സജീവമായി വെല്ലുവിളിക്കാത്തതിനാൽ അവർ എന്നെ വെറുതെ വിടുന്നു. പക്ഷേ അവർക്ക് എന്റെ തിരഞ്ഞെടുപ്പുകൾ അംഗീകരിക്കാൻ കഴിയില്ല. ശരീഅത്ത് ഇസ്ലാമിൽ, ഒരാളുടെ വിശ്വാസം മാറ്റുന്നത് ദൈവനിന്ദയായി കണക്കാക്കപ്പെടുന്നു, മരണശിക്ഷ അർഹിക്കുന്നു. മുംതാസ് അലി ഖാൻ എന്ന എനിക്ക് ഭീഷണികൾ ലഭിച്ചിട്ടുണ്ട്, പക്ഷേ എനിക്ക് അത് പ്രശ്നമല്ല.
ഹിന്ദുമതത്തിൽ എന്തെങ്കിലും വിശ്വസിക്കാൻ ആരും നിങ്ങളോട് ആവശ്യപ്പെടുന്നില്ല. ഒരു ദൈവത്തിൽ മാത്രം വിശ്വസിക്കാൻ ആവശ്യപ്പെടുന്ന മറ്റൊരു ധാരയുണ്ട്.ഹിന്ദു മതത്തിലെ സ്വാതന്ത്ര്യമാണ് ആരെയും ആകർഷിക്കുന്നത് . പക്ഷേ എന്റെ ഭയവും അതാണ്. ഹിന്ദുമതം താലിബാനിസീകരിക്കപ്പെട്ടാൽ ലോകം നശിപ്പിക്കപ്പെടും. അതിനുള്ള സാധ്യതയുണ്ട്
അല്ലാഹു രൂപമില്ലാത്തവനാണ് (നിരാകാരൻ) പക്ഷേ രൂപമില്ലാത്ത അല്ലാഹു കോപിക്കുന്നുവെന്ന് പറയുന്നു അത് എല്ലാം പരസ്പരവിരുദ്ധമാണ്,ചിന്തയുടെ എല്ലാ അലകളും പൂർണ്ണമായും നിലയ്‌ക്കുമ്പോൾ, നിങ്ങളുടെ മനസ്സിനെ പൂർണ്ണമായും ശാന്തമാക്കുമ്പോൾ, അവശേഷിക്കുന്നത് ബ്രഹ്മമാണ്. ആ ആശയവും അല്ലാഹുവിന്റെ ആശയവും വളരെ വ്യത്യസ്തമാണ് – എന്നും അദ്ദേഹം പറയുന്നു.
