കൊച്ചി :തൃക്കാക്കര ഉമാ തോമസ് എംഎല്എയെ സന്ദര്ശിച്ച് മോഹന്ലാല്. പാലാരിവട്ടത്തെ വസതിയില് എത്തിച്ചേര്ന്ന മോഹന്ലാല് എംഎല്എയുടെ ആരോഗ്യനില സംബന്ധിച്ച് അന്വേഷിച്ചു.
‘മലയാളത്തിന്റെ പ്രിയ നടന് മോഹന്ലാല് ഇന്ന് എന്നെ വീട്ടിലെത്തി സന്ദര്ശിച്ചതില് അത്യന്തം സന്തോഷം. സത്യന് അന്തിക്കാടിന്റെ ‘ഹൃദയപൂര്വ്വം’ സിനിമയുടെ ലൊക്കേഷനില് നിന്നാണ് അദ്ദേഹം ആന്റണി പെരുമ്പാവൂരിനൊപ്പമാണ് വീട്ടിലെത്തിയത്. അപകടവാര്ത്ത അറിഞ്ഞതുമുതല് അദ്ദേഹം എന്റെ ആരോഗ്യ വിവരങ്ങള് അന്വേഷിച്ചുകൊണ്ടിരിക്കുകയായിരുന്നു. അത്യന്തം ആത്മാര്ത്ഥതയോടെ സമയം കണ്ടെത്തി ഞങ്ങളെ ആശ്വസിപ്പിച്ചതിന് ഹൃദയം നിറഞ്ഞ നന്ദി.’ ഉമാ തോമസ് പറഞ്ഞു.
ഡിസംബര് 29 നാണ് അന്താരാഷ്ട്ര സ്റ്റേഡിയത്തിലെ നൃത്ത പരിപാടിയുടെ ഉദ്ഘാടന വേദിയില് നിന്ന് വീണ് അതീവ ?ഗുരുതരാവസ്ഥയില് ഉമാ തോമസ് ആശുപത്രിയിലായത്.തലയ്ക്കും നട്ടെല്ലിനും ശ്വാസകോശത്തിനും ഗുരുതരമായി പരിക്കേറ്റിരുന്നു. റിനൈ മെഡിസിറ്റിയിലെ 47 ദിവസത്തെ ചികിത്സയ്ക്ക് ശേഷം വ്യാഴാഴ്ചയാണ് ഉമാ തോമസ് വീട്ടില് തിരിച്ചെത്തിയത്. രണ്ടര മാസമെങ്കിലും പരിപൂര്ണ വിശ്രമം വേണമെന്നാണ് നിര്ദ്ദേശിച്ചിരിക്കുന്നത്
