ഛണ്ഡീഗഢ് :ഛണ്ഡീഗഢ് മുനിസിപ്പല്‍ കോര്‍പറേഷന്‍ തെരഞ്ഞെടുപ്പില്‍ ബിജെപിയ്ക്ക് തിളക്കമാര്‍ന്ന ജയം. കോണ്‍ഗ്രസും ആം ആദ്മി പാര്‍ട്ടിയും ചേര്‍ന്ന് നിര്‍ത്തിയ സ്ഥാനാര്‍ത്ഥിയെ തോല്‍പിച്ചാണ് ബിജെപി മേയര്‍ സ്ഥാനാര്‍ത്ഥി വിജയിച്ചത്.
ബിജെപിയുടെ ഛണ്ഡീഗഢ് മേയര്‍ ആയി വിജയിച്ച ഹര്‍പ്രീത് സിങ്ങ് ബബ് ല എക്സില്‍ പങ്കുവെച്ച പോസ്റ്റ്:
ഇന്ത്യാ മുന്നണിയ്‌ക്ക് ശക്തമായ തിരിച്ചടിയാണ് ബിജെപി നല്‍കിയത്. ബിജെപിയുടെ ഹര്‍പ്രീത് സിങ്ങ് ബബ് ല ആണ് മേയറായി വിജയിച്ചത്. 35 അംഗ കോര്‍പറേഷനില്‍ ഹര്‍പ്രീത് സിങ്ങ് ബബ് ല 19 വോട്ടുകള്‍ നേടി.
ആം ആദ്മിയുടെ പ്രേമലതയെയാണ് തോല്‍പിച്ചത്. പ്രേമലത ആം ആദ്മി പാര്‍ട്ടിയുടെയും കോണ്‍ഗ്രസിന്റെയും സംയുക്ത സ്ഥാനാര്‍ത്ഥിയായിരുന്നു. വാശിയേറിയ മത്സരമായിരുന്നു ഇത്. സുപ്രീംകോടതി പഞ്ചാബ് ആന്‍റ് ഹരിയാന ഹൈക്കോടതി ചീഫ് ജസ്റ്റിസ് ജയശ്രീ താക്കൂറിനെ സ്വതന്ത്രനിരീകാഷകയായി നിയോഗിച്ചിരുന്നു. തിരഞ്ഞെടുപ്പിന് ഏതാനും ദിവസങ്ങള്‍ മു‍ന്‍പ് കോണ്‍ഗ്രസ് കൗണ്‍സിലറായ ഗുര്‍ബക്സ് റാവത്ത് ബിജെപിയിലേക്ക് മാറിയിരുന്നു.
പ്രതികരിക്കാൻ ഇവിടെ എഴുതുക