തൃശൂര്‍:കുപ്രസിദ്ധ ബൈക്ക് മോഷ്ടാവ് പറവൂര്‍ കൈതാരം ചെറുപറമ്പില്‍ ശരത്ത് എന്ന ഭഗവാന്‍ ശരതിനെ പൊലീസ് പിടികൂടി. കൊടുങ്ങല്ലൂര്‍ താലപ്പൊലി കാണാനെത്തിയ മേത്തല സ്വദേശിയുടെ ബൈക്ക് മോഷ്ടിച്ച കേസിലാണ് അറസ്റ്റ്.
ക്ഷേത്രം തെക്കേ നടയിലുള്ള ലക്ഷ്മി ജ്വല്ലറിക്ക് തെക്കു വശം പാര്‍ക്ക് ചെയ്തിരുന്ന മോട്ടോര്‍ സൈക്കിളാണ് ശരത്ത് മോഷ്ടിച്ചത്.
ബൈക്ക് മോഷണം നടത്തുന്നവരെ കേന്ദ്രീകരിച്ചും സമീപപ്രദേശങ്ങളിലെ സിസിടി.വി. ദ്യശ്യങ്ങള്‍ പരിശോധിച്ചും അന്വേഷണം നടത്തിയതിനെ തുടര്‍ന്നാണ് ഭഗവാന്‍ ശരത് അറസ്റ്റിലായത്. തൃശൂര്‍ റൂറല്‍ ജില്ലാ പൊലീസ് മേധാവി ബി. കൃഷ്ണകുമാറിന്റെ നിര്‍ദേശാനുസരണമാണ് പൊലീസ് അന്വേഷണം നടത്തിയത്. തൃശൂരിലും പരിസര പ്രദേശങ്ങളിലെ പൊലീസ് സ്‌റ്റേഷനുകളിലുമായി നിരവധി മോഷണക്കേസുകളില്‍ പ്രതിയാണ് ഇയാള്‍.
