ആലപ്പുഴ: കുറുവ സംഘത്തിലെ രണ്ട് പേരെ ആലപ്പുഴ മണ്ണഞ്ചേരി പൊലീസ് പിടികൂടി. തമിഴ്നാട്ടിലെ പിടികിട്ടാപുള്ളികളാണ് പിടിയിലായത്.
കറുപ്പയ്യ, നാഗരാജു എന്നിവരാണ് പിടിയിലായത്.
ഇടുക്കി രാജകുമാരിയില് നിന്നാണ് പൊലീസ് ഇവരെ കസ്റ്റഡിയിലെടുത്തത്. എന്നാല്, കസ്റ്റഡിയിലെടുത്തവര്ക്ക് നിലവില് കേരളത്തില് കേസുകള് ഇല്ലെന്നാണ് പൊലീസ് പറയുന്നത്.
മണ്ണഞ്ചേരിയില് രജിസ്റ്റര് ചെയ്ത കുറുവ സംഘത്തിനെതിരായ കേസന്വേഷണത്തിന്റെ ഭാഗമായി കസ്റ്റഡിയില് എടുത്തതാണ് ഇവരെ. തുടര്ന്ന് നടത്തിയ അന്വേഷണത്തിലാണ് പിടിയിലായവര് തമിഴ്നാട് പൊലീസിന്റെ പിടികിട്ടാപുള്ളികള് ആണെന്ന് വ്യക്തമായത്. പ്രതികളെ നാഗര്കോവില് പൊലീസിന് കൈമാറും.
