വയനാട് : പുല്‍പ്പള്ളിയില്‍ കാട്ടാന ആക്രമണത്തില്‍ കര്‍ണാടക സ്വദേശി യുവാവ് കൊല്ലപ്പെട്ടു.കുട്ട സ്വദേശി വിഷ്ണു (22) ആണ് മരിച്ചത്.
പുല്‍പ്പള്ളി ഭാഗത്ത് കൊല്ലിവയല്‍ കോളനിയില്‍ ബന്ധുവിനെ കണ്ട് മടങ്ങവെയാണ് ആക്രമണം ഉണ്ടായത്. പാതിരി റിസര്‍വ് വനത്തില്‍ പൊളന്ന കൊല്ലിവയല്‍ ഭാഗത്ത് വെച്ചാണ് വിഷ്ണുവിനെ കാട്ടാന ആക്രമിക്കുന്നത്. കബനി നദി കടന്ന് കര്‍ണാടകയിലേക്ക് പോകുകയായിരുന്നു യുവാവ്.
രാത്രികാല പരിശോധനയിലുണ്ടായിരുന്ന വനപാലകര്‍ ഉടന്‍ സ്ഥലത്തെത്തി യുവാവിനെ ചുമന്ന് വനപാതയിലെത്തിച്ചു. തുടര്‍ന്ന് വനം വകുപ്പ് ജീപ്പില്‍ മാനന്തവാടി മെഡിക്കല്‍ കോളേജില്‍ എത്തിച്ചെങ്കിലും വഴി മധ്യേ മരിച്ചു. റിസര്‍വ് വനത്തിനുള്ളിലൂടെ കബനി നദി കടന്ന് കര്‍ണാടകയിലേക്ക് പോകുന്ന വഴിയാണ് കാട്ടാനയുടെ ആക്രമണം ഉണ്ടായത്.
