സിഡ്നി: ബോര്ഡര് ഗാവസ്കര് ട്രോഫിയില് സിഡ്നി ടെസ്റ്റും വിജയിച്ച് പരമ്പര 3-1 ന് സ്വന്തമാക്കി ഓസ്ട്രേലിയ. പരമ്പരയിലെ അഞ്ചാമത്തെയും അവസാനത്തെയും മത്സരത്തില് ആറ് വിക്കറ്റിനാണ് ഓസീസ് ജയം. വാഷിങ്ടണ് സുന്ദറിനെതിരെ ബൗണ്ടറി നേടിയാണ് ഓസീസിന്റെ ജയം.അരങ്ങേറ്റ ടെസ്റ്റില് ആറ് ബൗണ്ടറികള് ഉള്പ്പെടെ 34 പന്തില് 39 റണ്സെടുത്ത വെബ്സ്റ്ററാണ് ഓസീസിന് വിജയം അനായാസമാക്കിയത്. 38 പന്തില് 34 റണ്സുമായി ട്രാവിസ് ഹെഡ്ഡും മികച്ച ഇന്നിങ്സ് കാഴ്ചവെച്ചു
ലോക ടെസ്റ്റ് ചാംപ്യന്ഷിപ്പിന്റെ ഫൈനലില് ഈ വര്ഷം ജൂണില് ഓസ്ട്രേലിയ ദക്ഷിണാഫ്രിക്കയെ നേരിടുമെന്നും ഉറപ്പായി. സിഡ്നി ടെസ്റ്റില് ജയിച്ചാല് മാത്രം ഫൈനല് കളിക്കാന് ഇന്ത്യയ്ക്കുണ്ടായിരുന്ന നേരിയ സാധ്യത, മത്സരം തോറ്റതോടെ അവസാനിച്ചു.
ഇന്ത്യ ഉയര്ത്തിയ 162 റണ്സ് പിന്തുടര്ന്ന ഓസ്ട്രേലിയ 4 വിക്കറ്റ് നഷ്ടത്തില് ലക്ഷ്യം മറികടന്നു. ഇന്ന് രണ്ടാം ഇന്നിങ്സ് തുടങ്ങിയ ഓസ്ട്രേലിയ ഒരു ഘട്ടത്തില് 58 ന് 3 എന്ന നിലയില് എത്തിയിരുന്നു. 45 പന്തില് 41 റണ്സ് നേടിയ ഉസ്മാന് ഖവാജയാണ് രണ്ടാം ഇന്നിങ്സില് ഓസീസിന്റെ ടോപ് സ്കോറര്.
സിഡ്നി ടെസ്റ്റില് രണ്ടാം ഇന്നിങ്സില് ഇന്ത്യ 157 റണ്സിന് പുറത്തായിരുന്നു. ഇന്നലെ കളി നിര്ത്തുമ്പോള് 141 റണ്സിന് ആറ് വിക്കറ്റ് എന്ന നിലയിലായിരുന്നു ഇന്ത്യ. ഇന്ന് കളി തുടങ്ങി 16 റണ്സെടുക്കുന്നതിനിടെ ശേഷിക്കുന്ന നാല് വിക്കറ്റുകളും വീണതോടെ ഇന്ത്യ ഓള് ഔട്ടായി.
ഇന്ന് കളി തുടങ്ങിയപ്പോള് 45 പന്തില് 13 റണ്സെടുത്ത ജഡേജയാണ് ആദ്യം പുറത്തായത്. കമ്മിന്സിന്റെ ഓവറില് അല്കസ് ക്യാരിക്ക് ക്യാച്ച് നല്കി ജഡേജ പുറത്തായപ്പോള് 147 ന് 7 എന്ന നിലിയിലായിരുന്നു. പിന്നീട് 10 റണ്സെടുക്കുന്നതിനിടെയാണ് ശേഷിക്കുന്ന വിക്കറ്റുകളും വീണു. വാഷിങ്ടണ് സുന്ദര്(12),സിറാജ്(4),ബുംറ(0) എന്നിങ്ങനെയാണ് പുറത്തായവര്.
ലോക ടെസ്റ്റ് ചാംപ്യന്ഷിപ്പിന്റെ ഫൈനലില് ഈ വര്ഷം ജൂണില് ഓസ്ട്രേലിയ ദക്ഷിണാഫ്രിക്കയെ നേരിടുമെന്നും ഉറപ്പായി. സിഡ്നി ടെസ്റ്റില് ജയിച്ചാല് മാത്രം ഫൈനല് കളിക്കാന് ഇന്ത്യയ്ക്കുണ്ടായിരുന്ന നേരിയ സാധ്യത, മത്സരം തോറ്റതോടെ അവസാനിച്ചു.
