തൃശൂര് : നഗരത്തില് യുവാവിനെ കുത്തിക്കൊന്നു. തൃശൂര് വടക്കെ ബസ് സ്റ്റാന്ഡിന് സമീപം താമസിക്കുന്ന ലിവിനെ(30)യാണ് കൊലപ്പെടുത്തിയത്.
ചൊവ്വാഴ്ച രാത്രി 8:45 നായിരുന്നു സംഭവം. പതിനഞ്ചും പതിനാറും വയസുള്ള കുട്ടികളാണ് കുത്തിയത്. മദ്യലഹരിയിലാണ് കുത്തിയതെന്ന് പൊലീസ് പിടിയിലായ ഒമ്പതാം ക്ലാസുകാരന് മൊഴി നല്കി.
തൃശൂര് ജില്ലാ ആശുപത്രിക്ക് മുന്നില് തേക്കിന്കാട് മൈതാനിയില് ഇരിക്കുകയായിരുന്ന കുട്ടികളും ലിവിനുമായി വാക്കേറ്റം ഉണ്ടായി. പിന്നാലെ കയ്യിലുണ്ടായിരുന്ന കത്തിയെടുത്ത് കുട്ടികള് ലിവിനെ കുത്തുകയായിരുന്നു. മൃതദേഹം ജില്ലാ ആശുപത്രി മോര്ച്ചറിയിലേക്ക് മാറ്റി.
