തിരുവനന്തപുരം: ഇ.പി.ജയരാജനുമായി ബന്ധപ്പെട്ട ആത്മകഥാ വിവാദത്തിന്റെ അലയൊലികള്‍ ഇനിയും അടങ്ങിയിട്ടില്ലെന്നിരിക്കെ ഡി സി ബുക്‌സ് ഉടമ രവി ഡിസി എകെജി സെന്ററിലെത്തി. സി പി എം സംസ്ഥാന സെക്രട്ടറി എം.വി.ഗോവിന്ദനുമായി അദ്ദേഹം കൂടിക്കാഴ്ച നടത്തി.
ഡിസി ബുക്‌സ് സംഘടിപ്പിക്കുന്ന സാഹിത്യോത്സവത്തിന് ക്ഷണിക്കാനാണ് ഡിസി രവി എത്തിയതെന്നാണ് വിവരം.ആത്മകഥാ വിവാദത്തില്‍ ഇ.പി.ജയരാജന്‍ നല്‍കിയ പരാതിയില്‍ പൊലീസ് അന്വേഷണം നടക്കുകയാണ്.
ആത്മകഥ ഇനിയും എഴുതി പൂര്‍ത്തിയാക്കിയിട്ടില്ലെന്നും അച്ചടിക്കാനോ പ്രസിദ്ധീകരിക്കാനോ ആരെയും ഏല്‍പ്പിച്ചിട്ടില്ലെന്നും ഇ.പി.ജയരാജന്‍ നേരത്തെ പറഞ്ഞിരുന്നു.കട്ടന്‍ചായയും പരിപ്പുവടയും എന്ന പേരില്‍ ഇ.പി.ജയരാജന്റെ ആത്മകഥയുടെതെന്ന പേരില്‍ കവര്‍ചിത്രം ഡിസി ബുക്‌സ് പുറത്ത് വിട്ടിരുന്നു.സിപിഎമ്മിനെതിരെയും രണ്ടാം പിണറായി സര്‍ക്കാരിനെതിരെയും രൂക്ഷവിമര്‍ശനമുള്ള പുസ്തക ഭാഗങ്ങളാണ് പുറത്ത് വന്നത്.
