ബംഗളുരു : ഐ എസ് എല്ലില് കേരള ബ്ലാസ്റ്റേഴ്സ് എഫ്സിക്ക് വീണ്ടും പരാജയം.ബെംഗളുരു എഫ്സി രണ്ടിനെതിരെ നാല് ഗോളുകള്ക്കാണ് കേരള ബ്ലാസ്റ്റേഴ്സിനെ പരാജയപ്പെടുത്തിയത്.
സുനില് ഛേത്രി ഹാട്രിക് നേടി. പന്ത് കൈവശം വെച്ചതിലും പാസുകളുടെ കൃത്യതയിലും ടാര്ഗറ്റ് ഷോട്ടുകളെടുത്തതിലുമൊക്കെ കേരളം മുന്നിലരായിരുന്നിട്ടും വിജയം അകന്നു നിന്നു.ആദ്യ പകുതിയില് തന്നെ കേരളം രണ്ട് ഗോള് വഴങ്ങി. എന്നാല് രണ്ടാംപകുതിയില് രണ്ട് ഗോളുകളും മടക്കി ബ്ലാസ്റ്റേഴ്സ് ആരാധകരെ ഞെട്ടിച്ചു. എന്നാല് ബെംഗളുരു വീണ്ടും രണ്ടു തവണ ബ്ലാസ്റ്റേഴ്സ് വലയിലേക്ക് പന്ത് പായിച്ചതോടെ മത്സരത്തിന്റെ ഗതി ഏറെക്കുറെ ബെംഗളുരു തീരുമാനിച്ചത് പോലെയായി.
മത്സരം തുടങ്ങി എട്ടാം മിനിറ്റില് തന്നെ ബെംഗളുരു എഫ്സി ലീഡ് നേടി . വിങ്ങില് നിന്ന് റയാന് വില്യംസ് നല്കിയ ക്രോസ് കൃത്യമാര്ന്ന ഹെഡറിലൂടെ സുനില് ഛേത്രി വലയിലെത്തിച്ചു. 39ാം മിനിറ്റില് റയാന് വില്യംസിലൂടെ ബെംഗളൂരു ലീഡ് വര്ധിപ്പിച്ചു. വലതു വിങ്ങിലൂടെ മുന്നേറി മനോഹരമായൊരു സ്െ്രെടക്കിലൂടെ റയാന് പന്ത് വലയിലാക്കുകയായിരുന്നു.
56ാം മിനിറ്റില് ജെസ്യൂസ് ജിമനസിലൂടെ ഒരു ഗോള് മടക്കാന് കേരളത്തിനായി. 67ാം മിനിറ്റില് ഫ്രെഡി ലല്ലാവ്മ ബ്ലാസ്റ്റേഴ്സിനായി സമനില ഗോള് നേടി. എന്നാല് 73ാം മിനിറ്റില് സുനില് ഛേത്രി വീണ്ടും ബെംഗളൂരുവിനെ മുന്നിലെത്തിച്ചു. ഇഞ്ചുറി ടൈമില് ഛേത്രി മൂന്നാമതും വല കുലുക്കി. ടൂര്ണമെന്റില് പതിനൊന്ന് പോയിന്റ് മാത്രമുള്ള കേരളം 10 സ്ഥാനത്ത് ആണ്. ബെംഗളുരു 23 പോയിന്റുമായി ആദ്യ സ്ഥാനത്ത് എത്തി.
