വത്തിക്കാന്‍ സിറ്റി: ശ്രീനാരായണ ഗുരുദേവന്‍ ആലുവയില്‍ സംഘടിപ്പിച്ച സര്‍വമത മഹാസമ്മേളന ശതാബ്ദി പ്രമാണിച്ച് വത്തിക്കാനില്‍ നടക്കുന്ന ലോകമത പാര്‍ലമെന്റില്‍ ജന്മഭൂമി പ്രതിനിധിയും. ഓണ്‍ലൈന്‍ എഡിറ്റര്‍ പി. ശ്രീകുമാറാണ് പ്രതിനിധി സംഘത്തിലെ ഏക മാധ്യമ പ്രവര്‍ത്തകന്‍. ജന്മഭൂമിക്കു വേണ്ടി നിരവധി ദേശീയ, അന്തര്‍ദേശീയ പരിപാടികള്‍ റിപ്പോര്‍ട്ട് ചെയ്തിട്ടുള്ള ശ്രീകുമാര്‍ കോട്ടയം പുതുപ്പള്ളി തൃക്കോതമംഗലം സ്വദേശിയാണ്.
മതങ്ങളുടെ ഏകതയും സൗഹാര്‍ദവും സമന്വയവും പ്രചരിപ്പിക്കുകയെന്ന ലക്ഷ്യത്തോടെ ഈ മാസം 29, 30, ഡിസംബര്‍ ഒന്ന് തീയതികളിലാണ് സമ്മേളനം. 30ന് ഫ്രാന്‍സിസ് മാര്‍പാ
പ്പ ആശീര്‍വദിക്കും.
