അല്ലു അർജുന്റെ പുഷ്പ 2: ദ റൂൾ റിലീസിനായി ആകാംക്ഷയോടെ കാത്തിരിക്കുകയാണ് ഇന്ത്യന്‍ സിനിമ ലോകം.ചിത്രത്തിന്റെ ഹിന്ദി പതിപ്പ് മാത്രം 200 കോടി ക്ലബ്ബില്‍ ഇടംപിടിച്ചിരുന്നു.സുകുമാര്‍ ആണ് ചിത്രത്തിന്റെ സംവിധാനം. മൈത്രി മൂവി മേക്കേഴ്സ്, സുകുമാര്‍ റൈറ്റിംഗ്സ് എന്നീ ബാനറുകള്‍ ചേര്‍ന്നാണ് ചിത്രത്തിന്റെ നിര്‍മ്മാണം. ഫഹദ് അവതരിപ്പിക്കുന്ന പ്രതിനായക കഥാപാത്രത്തിന് രണ്ടാം ഭാഗത്തില്‍ കൂടുതല്‍ പ്രാധാന്യം ഉണ്ടാവുമെന്നാണ് കരുതപ്പെടുന്നത്.
സിനിമയ്‌ക്കായി അല്ലു അർജുൻ റെക്കോർഡ് പ്രതിഫലം വാങ്ങുന്നതായി നേരത്തെ വാർത്തകൾ വന്നിരുന്നു. ഇപ്പോഴിതാ സിനിമയിലെ മറ്റു പ്രധാന അഭിനേതാക്കളുടെ പ്രതിഫലം സംബന്ധിച്ച റിപ്പോർട്ടുകളും ശ്രദ്ധ നേടുകയാണ് . ചിത്രത്തിനായി അല്ലു അർജുൻ 300 കോടിയോളം രൂപയാണ് വാങ്ങുന്നത്.
നേരത്തെ, എച്ച് വിനോദ് സംവിധാനം ചെയ്യുന്ന ‘ദളപതി 69’ന് വേണ്ടി വിജയ് 275 കോടി രൂപ പ്രതിഫലം കൈപ്പറ്റുമെന്ന് വിവരമുണ്ടായിരുന്നു. ഷാരൂഖ് ഖാൻ കൈപ്പറ്റിയ 250 കോടി പ്രതിഫലത്തെ പിന്തള്ളിയായിരുന്നു വിജയ് ഇന്ത്യയിലെ ഏറ്റവും കൂടി പ്രതിഫലം വാങ്ങുന്ന നടനായത് എന്നായിരുന്നു അന്നത്തെ റിപ്പോർട്ടുകൾ. എന്നാൽ ഇപ്പോൾ വിജയെയും കടത്തിവെട്ടി അല്ലു അർജുൻ.
രശ്‌മിക മന്ദാനയ്‌ക്ക് 10 കോടി രൂപയും, ചിത്രത്തിലെ പ്രധാന വില്ലൻ കഥാപാത്രത്തെ അവതരിപ്പിക്കുന്ന ഫഹദ് ഫാസിലിന് എട്ട് കോടിയുമാണ് പ്രതിഫലമായി ലഭിക്കുക . ‘കിസിക്‘ എന്ന ഗാനരംഗത്തിൽ ഭാഗമായ ശ്രീലീലയ്‌ക്ക് മൂന്ന് കോടി വരെയാണ് പ്രതിഫലമെന്നും റിപ്പോർട്ടുകൾ പറയുന്നു.
